تصّور غیر ممکن رفعت و شان محمدؐ کا
عبث ہے ڈھونڈنا جس طرح آدم کے اب وجد کا
Tasawwur ghair mumkin raf'at o shaan Muhammadﷺ ka
Abas hai dhoondna jis tarah Aadam ke abojad ka
سکھائے صبح’کن‘ ، اﷲ نے اسمأ جب آدم کو
سکھایا سب سے پہلے اسم‘ آدم کو محمدؐ کا
Sikhaye subah 'Kun', Allah ne Asma jabb Aadam ko
Sikhaya sab se pehle ism 'Aadam ko Muhammadﷺ ka
قیامت تک کے اَسرارِ رسالت اس کو سمجھائے
بتایا بھید اُسے ختمِ رَسل کے قامت و قد کا
Qayamat tak ke asraar-e-risalat usko samjhaye
Bataya bhed usay khatam-e-Rasul ke qaamat o qadd ka
کوئی گِن ہی نہیں سکتا ‘ کوئی لکھ بھی نہیں سکتا
بھرم کھولا ترے اوصاف نے اعداد و ابجد کا
Koi gin hi nahi sakta ' koi likh bhi nahi sakta
Bharam khola tere ausaaf ne adaad o abjad ka
غلام ’اس کے کروڑوں ہر زمیں پر‘ ہر زمانے میں
نہیں موجود و امکاں میں کوئی ثانی محمدؐ کا
Ghulam 'uskay karoron har zameen par' har zamane mein
Nahi maujood o mumkin mein koi saani Muhammadﷺ ka
علامت ہے یہ تیرے آستاں بو سی کی خواہش کی
تری چوکھٹ کو جھک جھک دیکھنا چرخِ زبر جد کا
Alamat hai ye tere aastan bosi ki khwahish ki
Teri chaukhat ko jhuk jhuk dekhna charkh-e-zabar jad ka
ہزاروں سال کی دُوری کی خندق پاٹ جاتا ہے
نبیؐ کے لمسِ لب کا قرب آور بوسہ اسود کا
Hazaroon saal ki doori ki khandaq paat jata hai
Nabiﷺ ke lams-e-lab ka qurb awar bosa Aswad ka
نہیں ہے بال بھر نظمِ دو عالم میں خلا کوئی
مکاں ہو یا زماں صدقہ ہے اک میم مشددؐ کا
Nahi hai baal bhar nazm-e-do alam mein khala koi
Makaan ho ya zamaan sadqa hai ek Meem mushaddadﷺ ka
جو کچھ بھی ہے‘ جہاں پر بھی ہے ‘موجودات و امکاں میں
تشکّر مست تیری رحمتِ بے حصرو بے حد کا
Jo kuch bhi hai, jahan par bhi hai, maujudaat o mumkin mein
Tashakkur mast teri rehmat-e-beshasr o be had ka
نبّوت طے اَزل سے تھی ‘ تری مابعدِ محشر بھی
کوئی کس طرح ہو سکتا ہے وارث تیری مسند کا
Nabuwat tay azal se thi ' teri ma ba'ad-e-mahshar bhi
Koi kis tarah ho sakta hai waris teri masnad ka
کشش آور خیال اُن کا ہے ایسے نعت گوئی میں
گماں ہر کوششِ آورد پر ہوتا ہے آمد کا
Kashish awar khayal unka hai aise naat goie mein
Guman har koshish-e-award par hota hai amad ka
طلوع نعت کا آغاز اس سدرہ سے ہوتا ہے
جہاں ہے خاتمہ امکانِ فن کی آخری حد کا
Tulu'e naat ka aghaaz us Sidra se hota hai
Jahan hai khaatma imkan-e-fan ki aakhri had ka
پیالہ با پیالہ متصّل قوسین سا املا۔۔۔۔!
زمیں سے عرش تک رحمت نما ہے میم کی شدکا
Piyala ba piyala muttasil qawsain sa amla...!
Zameen se arsh tak rehmat numa hai Meem ki shaddka
جہانوں بھر کے قطبینوں میں پھیلی ہے تری رحمت
پیالہ با پیالہ ‘ متصل کونین سی شد کا
Jahano bhar ke qutbeeno mein phaili hai teri rehmat
Piyala ba piyala ' muttasil konain si shadd ka
Share This Naat
Share with friends and family
تصّور غیر ممکن رفعت و شان محمدؐ کا
ریاض مجید