وہ لوگ جو جاتے ہیں مکّے میں مدینے میں
تقدیر بناتے ہیں مکّے میں مدینے میں
Woh log jo jatay hain makkay main madinay main
Taqdeer banatay hain makkay main madinay main
اب تک ہیں فضاؤں میں خوشبوئیں پسینے کی
آثار بتاتے ہیں مکّے میں مدینے میں
Ab tak hain fazaon main khushbooain paseenay ki
Aasaar batatay hain makkay main madinay main
منظر وہ احد کے ہوں یا غارِ حرا کے ہوں
اک یاد دلاتے ہیں مکّے میں مدینے میں
Manzar woh Uhud ke hon ya ghar-e-Hira ke hon
Ik yaad dilatay hain makkay main madinay main
کعبے کی فضا تجھ سے روضے کی ضیا تجھ سے
ہم دل چمکاتے ہیں مکّے میں مدینے میں
Kaabay ki faza tujh se roze ki ziya tujh se
Hum dil chamkatay hain makkay main madinay main
کعبے کی چمک میں بھی روضے کی مہک میں بھی
ہم تجھ کو ہی پاتے ہیں مکّے میں مدینے میں
Kaabay ki chamak main bhi roze ki mehak main bhi
Hum tujh ko hi patay hain makkay main madinay main
عشّاق ترے آقا بس تیری محبت میں
آتے کبھی جاتے ہیں مکّے میں مدینے میں
Aashiq tere aaqa bas teri mohabbat main
Aatay kabhi jatay hain makkay main madinay main
اک تیرے تصور میں پھرتے ہیں جو گلیوں میں
ہم پیاس بجھاتے ہیں مکّے میں مدینے میں
Ik tere tasawwur main phirtay hain jo galiyon main
Hum piyaas bujhatay hain makkay main madinay main
توحید کا نغمہ ہو یا بات درودوں کی
ہم تجھ کو سناتے ہیں مکّے میں مدینے میں
Tauheed ka naghma ho ya baat duroodon ki
Hum tujh ko sunatay hain makkay main madinay main
رحمت کی امیدیں ہوں، بخشش کی نویدیں ہوں
سب تجھ ہی سے پاتے ہیں مکّے میں مدینے میں
Rahmat ki umeedein hon, bakhshish ki naveedein hon
Sab tujh hi se patay hain makkay main madinay main
مکّہ بھی ترا اعلیٰ طیبہ بھی ترا افضل
ہم سر کو جھکاتے ہیں مکّے میں مدینے میں
Makkah bhi tera aala tayyaba bhi tera afzal
Hum sar ko jhukatay hain makkay main madinay main
اک تیرا سہارا ہو بخشش کا اشارا ہو
اس آس پہ آتے ہیں مکّے میں مدینے میں
Ik tera sahara ho bakhshish ka ishara ho
Is aas pay aatay hain makkay main madinay main
اے کاش ہو نوری بھی ان سعد نصیبوں میں
ہر سال جو آتے ہیں مکّے میں مدینے میں
Ay kaash ho noori bhi un saada naseebon main
Har saal jo aatay hain makkay main madinay main
Share This Naat
Share with friends and family
وہ لوگ جو جاتے ہیں مکّے میں مدینے میں
محمد ظفراقبال نوری