کوئی خواہش ، کبھی احقر سے جو پوچھا جائے
بس غلاموں میں ترے نام پکارا جائے
Koi khwahish, kabhi ahqar se jo poocha jaye
Bas ghulamon mein tare naam pukara jaye
بحرِ عصیاں کے تلاطم میں گھرا ہوں آقاؐ
اب تو عاصی کو بھی ساحل پہ اتارا جائے
Behr-e-isyann ke talaatum mein ghira hoon aqa
Ab to aasi ko bhi sahil pe utara jaye
حسنِ فردا ہے یقینی بہ طفیلِ شافعؐ
پھر بھی لازم ہے کہ امروز سنوارا جائے
Husn-e-farda hai yaqini bah tufail-e-shafi
Phir bhi laazim hai ke emrooz sanwara jaye
ان کی الفت ہے جو ایمان کی بنیاد تو پھر
عشقِ احمدؐ سے ہی ایماں کو سنوارا جائے
Un ki ulfat hai jo imaan ki buniyad to phir
Ishq-e-Ahmad se hi imaan ko sanwara jaye
اہلِ ایمان کی شہ رگ سے بھی اقرب ہیں نبیؐ
ہوگی فریاد رسی ، دل سے پکارا جائے
Ahl-e-imaan ki sheh rag se bhi aqarb hain Nabi
Hogi faryaad rasi, dil se pukara jaye
میں خطا کار سہی تیرا گدا ہوں آقاؐ
اک نظر ہو تو گنہ گار بھی بخشا جائے
Mein khata kaar sahi tera gada hoon aqa
Ek nazar ho to guneh gaar bhi bakhsha jaye
وہ ہی ہیں قاسم و مختار عطاؤں کے جلیل
کیوں نا حصہ درِ قاسم سے ہی مانگا جائے
Woh hi hain qasim o makhtaar ataaon ke jaleel
Kyun na hissa dar-e-qasim se hi manga jaye
Share This Naat
Share with friends and family
کوئی خواہش ، کبھی احقر سے جو پوچھا جائے
حافظ عبدالجلیل