محمدﷺ اوّلیں تخلیق یعنی
محمدﷺ آخریں تصدیق یعنی
Muhammad ﷺ awwaleen takhleeq yani
Muhammad ﷺ aakhreen tasdeeq yani
محمدﷺ مصطفٰی متنِ نبوت
ہیں باقی انبیاء تعلیق یعنی
Muhammad ﷺ Mustafa matn e nabuwat
hain baqi ambiya talaeeq yani
وہی خالق کے محبوب و محب بھی
وہ جن کی خلق میں تشویق یعنی
Wohi Khaliq ke mehboob o mohib bhi
woh jin ki khalq mein tashweeq yani
واشرقت الارضُ بنورک
حرا سے پھیلتی تشریق یعنی
Wa-ashraqat al arzُ binorik
Hira se phailti tashreeq yani
وہ جتنے بھی صحیفے آ چکے تھے
وہ سب میں آخری تطبیق یعنی
Woh jitne bhi sahife aa chuke the
Woh sab mein aakhiri tatbeeq yani
ہوئے مکشوف جس سے سب حقائق
دقائق کی کھلی تدقیق یعنی
Hue makshuf jis se sab haqaiq
Daqaaiq ki khuli tadqeeq yani
وہی حق کی علامت ہے حقیقی
اسی سے کفر کی تفریق یعنی
Wohi haqq ki alamat hai haqeeqi
Usi se kufr ki tafreeq yani
جسے انکار تیرا اور رب کا
وہی کافر وہی زندیق یعنی
Jise inkaar tera aur Rab ka
Wohi kafir wohi zindeeq yani
تری ہر بات ٹھہری ہے محقَّق
کوئی بھی کر سکے تحقیق یعنی
Teri har baat thehri hai muhaqqaq
Koi bhi kar sake tehqiq yani
کرے ہر دور کی حکمت، فراست
تری ہر بات کی توثیق یعنی
Kare har daur ki hikmat, firaasat
Teri har baat ki tawsiiq yani
رہے تا عمر تیری نعت کہتا
رہے نوری کو یہ تو فیق یعنی
Rahe ta umr teri naat kehta
Rahe Noori ko ye tofiq yani
Share This Naat
Share with friends and family
محمدﷺ اوّلیں تخلیق یعنی
محمد ظفراقبال نوری