خارِ صحرائے مدینہ کی ہے کیا شان نہ پوچھ
کتنا پر کیف ہے طیبہ کا گلستان نہ پوچھ
Khaaar-e-Sahraye Madinah ki hai kya shaan na pooch
Kitna pur kaif hai Taiba ka gulistaan na pooch
ختم ہوتا ہی نہیں جود و کرم کا لنگر
شہ کی دہلیز کا کس درجہ ہے فیضان نہ پوچھ
Khatm hota hi nahin jood o karam ka langar
Shah ki dehliz ka kis darja hai faizaan na pooch
بول اٹھیں اس کے کفِ دست کی جب کنکریاں
کتنا بوجہل ہوا اس گھڑی حیراں نہ پوچھ
Bol uthain uske kaf-e-dast ki jab kankriyaan
Kitna bujehl hua us ghari hairaan na pooch
چاند دو نیم ہوا مہرِ فلک لوٹ آیا
سرورِ دیں کے ہے اعجاز کی کیا شان نہ پوچھ
Chaand do neem hua mehr-e-falak laut aaya
Sarwar-e-deen ke hai eijaaz ki kya shaan na pooch
رب سے رو رو کے دعا مانگی برائے امت
کتنا امت پہ ہے سرکار کا احسان نہ پوچھ
Rab se ro ro ke dua maangi baraye ummat
Kitna ummat pe hai sarkaar ka ehsaan na pooch
جب سمجھ پانے سے قاصر ہیں مکینِ سدرہ
شاہِ دیں کی حدِ رفعت تو اے نادان نہ پوچھ
Jab samajh pane se qaasir hain makeen-e-sidra
Shah-e-deen ki had-e-rafat to aye nadaan na pooch
ابنِ ثابت کو عطا کرتے ہیں آقاؐ منبر
نعت گوئی کا صلہ کتنا ہے ذیشان نہ پوچھ
Ibn-e-Saabit ko ata karte hain aaqaؐ mimbar
Naat goyi ka sila kitna hai zeshan na pooch
جاں لٹا سکتا ہے ایمان نہ دے گا مومن
بے بہا کتنا مسلماں کا ہے ایمان نہ پوچھ
Jaan luta sakta hai imaan na de ga momin
Be baha kitna musalmaan ka hai imaan na pooch
ہو کے نم دیدہ میں جب پہنچا درِ آقاؐ پر
اپنے عصیاں پہ ہوا کتنا پشیمان نہ پوچھ
Ho ke nam deeda main jab pohancha dar-e-aaqaؐ par
Apne isyaan pe hua kitna pashemaan na pooch
اس کی پہچان ہے مداحِ نبیؐ کی صورت
اور احسؔن کی کوئی دوسری پہچان نہ پوچھ
Us ki pehchaan hai madah-e-Nabiؐ ki soorat
Aur Ahsan ki koi doosri pehchaan na pooch
Share This Naat
Share with friends and family
خارِ صحرائے مدینہ کی ہے کیا شان نہ پوچھ
احسن اعظمی