کروں تجھ سے محبت آخری منزل کے آنے تک
حسابِ دل ، حساب غم، حساب ِ جاں چکانے تک
Karun tujh se muhabbat aakhri manzil ke aane tak
Hisab-e-dil, hisab gham, hisab-e-jaan chukane tak
دکھائی کچھ نہیں دیتا سنائی کچھ نہیں دیتا
چراغِ مصطفیٰؐ دل کے منڈیروں پر جلانے تک
Dikhai kuch nahi deta sunai kuch nahi deta
Chiragh-e-Mustafa ﷺ dil ke mandeeron par jalane tak
یہ اقرارِ محبت ہلکا پھُلکا تو نہیں کافی
بہت سے مرحلے آتے ہیں اسؐ کے پاس جانے تک
Yeh iqrar-e-muhabbat halka phulka to nahi kafi
Bohat se marahil aate hain us ﷺ ke paas jane tak
ہزاروں بار پہلے سوچنا پڑتا ہے انساں کو
مدینے کی طرف پہلا قدم اپنا اُٹھانے تک
Hazaron baar pehle sochna padta hai insaan ko
Madine ki taraf pehla qadam apna uthane tak
ارادہ کر لیا مَیں نے کہ مَیں چوکھٹ نہ چھوڑوں گا
نبی کے راضی ہونے تک نبی کے مسکرانے تک
Irada kar liya main ne ke main chaukhat na chhodun ga
Nabi ke razi hone tak Nabi ke muskurane tak
جسے آساں سمجھتے ہیں وہ اتنا بھی نہیں آساں
بہت آنسو بہانا پڑتے ہیں اُس کو منانے تک
Jise asaan samajhte hain woh itna bhi nahi asaan
Bohat aansu bahana padte hain us ko manane tak
ارے منزل کہاں اس کا نشاں تک بھی نہیں ملتا
بھٹکتا رہتا ہے انسان دل پر چوٹ کھانے تک
Arey manzil kaha iska nishaan tak bhi nahi milta
Bhatakta rehta hai insaan dil par chot khane tak
کوئی رحم و کرم کی لذتوں سے بھی نہ تھا واقف
مرے آقاؐ مرے مدنی ؐ کے اس دُنیا میں آنے تک
Koi reham o karam ki lazzaton se bhi na tha waqif
Mere Aaqa ﷺ mere Madni ﷺ ke is duniya mein aane tak
نبیؐ سے عشق ہو جائے تو بے حد رونا پڑتا ہے
در محبوب کھُلتا ہی نہیں آنسو بہانے تک
Nabi ﷺ se ishq ho jaye to be had rona padta hai
Dar-e-mehboob khulta hi nahi aansu bahane tak
کوئی اُن سے زیادہ پیار کر سکتا نہیں انجؔم
مسلسل مسکراتے رہتے ہیں ساغر پلانے تک
Koi unn se zyada pyar kar sakta nahi Anjum
Musalsal muskurate rehte hain saghar pilane tak
Share This Naat
Share with friends and family
کروں تجھ سے محبت آخری منزل کے آنے تک
انجم نیازی