خواب خواہش طلب جستجُو نعت ہے
فکر و فن، زندگی ، شوق، خُو نعت ہے
Khawab khwahish talab justuju naat hai
Fikar o fan, zindagi, shauq, khu naat hai
دست بستہ مؤدب ہے میرا ہنر
طاقِ ادراک میں مشکبُو نعت ہے
Dast basta mo'adab hai mera hunar
Taaq-e-idaark mein mushkbu naat hai
ہے یہی وجہِ تسکینِ قلب و نظر
آشتی، روشنی ، رنگ و بُو نعت ہے
Hai yahi wajah-e-taskeen-e-qalb o nazar
Aashti, roshni, rang o bu naat hai
کوئی صنفِ سخن راس آئے ہی کیوں
ہر سخن گستری، گُفتگُو نعت ہے
Koi sanf-e-sukhan raas aaye hi kyun
Har sukhan gustari, guftagu naat hai
اوجِ حرفِ سخن ہے رہینِ ثنا
نطق اور صوت کی آبرُو نعت ہے
Auj-e-harf-e-sukhan hai raheen-e-sana
Nutq aur saut ki aabru naat hai
آنکھ سے قلب تک خواہشِ دید ہے
آنکھ سے قلب تک کا وضُو نعت ہے
Aankh se qalb tak khwahish-e-deed hai
Aankh se qalb tak ka wazoo naat hai
دل کو سیراب کرتا ہے ذوقِ ثنا
دل میں بہتی ہوئی آب جُو نعت ہے
Dil ko siraab karta hai zaoq-e-sana
Dil mein behti hui aab ju naat hai
جس گھڑی میرے لب پر مصارع نہ ہوں
وردِ صلِ علیٰ ہُو بہُو نعت ہے
Jis ghadi mere lab par masareh na hon
Wird-e-salli ala hu bahu naat hai
دو کریموں کا مجھ پر یہ احسان ہے
میری ہر سانس کی آرزُو نعت ہے
Do kareemon ka mujh par ye ehsan hai
Meri har saans ki aarzoo naat hai
خاورِ نعت ہے ضو فشاں اوج پر
کو بہ کو روشنی، سُو بہ سُو نعت ہے
Khawar-e-naat hai zo fashan auj par
Ko ba ko roshni, su ba su naat hai
اُس کا لہجہ ہے شیرینیٔ انگبیں
وہ جو کہتا ہے اشفاق، تُو، نعت ہے
Us ka lehja hai sherini-e-angbeen
Woh jo kehta hai Ashfaq, tu, naat hai
Share This Naat
Share with friends and family
خواب خواہش طلب جستجُو نعت ہے
اشفاق احمد غوری