مرحلۂ شوق پھر اِک سر ہوا
جب ہوا، جیسے ہوا بہتر ہوا
Marhala-e-shauq phir ik sar huwa
Jab huwa, jaise huwa behtar huwa
میں نے پایا ہے تجھے اپنے قریب
جب کبھی اشکوں سے دامن تر ہوا
Maine paaya hai tujhe apne qareeb
Jab kabhi ashkon se daaman tar huwa
عظمتِ انسان کا ہر واقعہ
تیرے گھر یا تیری چوکھٹ پر ہوا
Azmat-e-insaan ka har waqia
Tere ghar ya teri chaukhat par huwa
گنبد خضرا نظر آیا مجھے
پھر کرم اِک بار آنکھوں پر ہوا
Gunbad-e-khazra nazar aaya mujhe
Phir karam ik baar aankhon par huwa
سوچتا ہوں میں جدا اس شہر سے
کب ہوا، کیسے ہوا، کیوں کر ہوا
Sochta hoon main juda is shehar se
Kab huwa, kaise huwa, kyun kar huwa
تیرے قدموں سے لپٹنا ہے مجھے
روزِ اوّل یہ سبق ازبر ہوا
Tere qadmon se lipatna hai mujhe
Roz-e-avval ye sabaq azbar huwa
تیری خوشبو سے معطر دوجہاں
تیرا چرچا جا بہ جا گھر گھر ہوا
Teri khushboo se muattar do jahaan
Tera charcha ja ba ja ghar ghar huwa
تیری یادیں دل کا حصہ بن گئیں
دِل ترے ہی پیار کا خُوگر ہوا
Teri yaadein dil ka hissa ban gayi
Dil tere hi pyaar ka khoogar huwa
ہر گھڑی مجھ کو بہت بھاری لگی
ہر قدم مشکل سے مشکل تر ہوا
Har ghari mujhko bohot bhaari lagi
Har qadam mushkil se mushkil tar huwa
اب تو اذنِ باریابی دے مجھے
اب تو جینا بھی مرا دوبھر ہوا
Ab to azn-e-baryaabi de mujhe
Ab to jeena bhi mera doobar huwa
Share This Naat
Share with friends and family
مرحلۂ شوق پھر اِک سر ہوا
انجم نیازی