ایمان کو ثبات ہے ذاتِ رسولؐ سے
روشن یہ کائنات ہے ذاتِ رسولؐ سے
Imaan ko sabat hai zaat-e-Rasoolؐ se
Roshan ye kainaat hai zaat-e-Rasoolؐ se
ہر اک خیال جانبِ طیبہ رواں دواں
بزمِ تصورات ہے ذاتِ رسولؐ سے
Har ek khayal janib-e-taiba rawaan dawaan
Bazm-e-tasawuraat hai zaat-e-Rasoolؐ se
دل سے ہر ایک خواہشِ دُنیا نکل گئی
پایا وہ اِلتفات ہے ذاتِ رسولؐ سے
Dil se har aik khwahish-e-duniya nikal gayi
Paaya woh iltifaat hai zaat-e-Rasoolؐ se
پُرسانِ حال کوئی نہیں آپؐ کے سوا
بنتی ہماری بات ہے ذاتِ رسولؐ سے
Pursaan-e-haal koi nahi aapؐ ke siwa
Banti humaari baat hai zaat-e-Rasoolؐ se
اُنؐ کا وجود باعثِ تسکینِ قلب و جاں
ہر رنج و غم کو مات ہے ذاتِ رسولؐ سے
Unؐ ka wujood bais-e-taskeen-e-qalb-o-jaan
Har ranj o gham ko maat hai zaat-e-Rasoolؐ se
ہر آنکھ کا نکھار ہے طیبہ کی روشنی
تنہائی سے نجات ہے ذاتِ رسولؐ سے
Har aankh ka nikhaar hai taiba ki roshni
Tanhaai se nijaat hai zaat-e-Rasoolؐ se
ہر پھول ہو رہا ہے مدینے سے فیضیاب
مہکی یہ کائنات ہے ذاتِ رسولؐ سے
Har phool ho raha hai madine se faiziyaab
Mehki ye kainaat hai zaat-e-Rasoolؐ se
حرکت میں ہیں زمین و فلک اور شش جہات
کونین کی حیات ہے ذاتِ رسولؐ سے
Harkat mein hain zameen-o-falak aur shash jahaat
Konain ki hayaat hai zaat-e-Rasoolؐ se
توصیفِ مصطفیؐ سے ملی عزت و وقار
اشفاقؔ میری ذات ہے ذاتِ رسولؐ سے
Tauseef-e-Mustafaؐ se mili izzat o waqaar
Ashfaqؔ meri zaat hai zaat-e-Rasoolؐ se
Share This Naat
Share with friends and family
ایمان کو ثبات ہے ذاتِ رسولؐ سے
اشفاق احمد غوری