آسمانِ مصطفٰےؐ کے چاند تاروں پر دُرود
جن سے ہیں ساری بہاریں ان بہاروں پر دُرود
Aasman-e-Mustafaؐ ke chaand taron par durood
Jin se hain sari baharein un baharon par durood
جو ہیں تیرے روضہِ پُر نور کے ےجاروب کش
ان مکرم محترم خدمت گذاروں پر دُرود
Jo hain tere rozah-e-pur noor ke jarub kash
Un mukarram mohtaram khidmat guzaaron par durood
جمع ہوجاتے ہیں پچھلی رات میں جو بے قرار
مسجدِ نبویؐ کے ان سجدہ گزاروں پر دُرود
Jama ho jate hain pichhli raat mein jo be qaraar
Masjid-e-Nabviؐ ke un sajdah guzaaron par durood
جو ترے غم کو بڑا اعزاز ہیں سمجھے ہوئے
ان کو کوئی غم نہیں اُن غم کے ماروں پر دُرود
Jo tere gham ko bara ai'zaaz hain samjhe hue
Un ko koi gham nahi un gham ke maaron par durood
سب کے سب اصحاب تیرے ذی شرف سب پر سلام
ہاں بطورِ خاص لیکن چار یاروں پر دُرود
Sab ke sab ashab tere zi sharaf sab par salam
Haan bator-e-khaas lekin chaar yaron par durood
تھام کر روضے کی جالی جو ہیں محوِ التجا
اُن سراپا درد و غم اُن بے قراروں پر دُرود
Thaam kar rozay ki jali jo hain mh've iltija
Un sarapa dard-o-gham un be qaraaron par durood
رحمت ِ کونین کے جَلووں سے جو پُر نور ہیں
ان بہاروں پر سلام اور ان نظاروں پر دُرود
Rehmat-e-Konain ke jhalvon se jo pur noor hain
Un baharon par salam aur un nazaron par durood
جو ترے در پر پڑے ہیں توڑ کر پائے طلب
اُن گدایانِ کرم ان خاکساروں پر دُرود
Jo tere dar par pare hain tor kar paye talab
Un gadayan-e-karam un khaksaaron par durood
بھیجتا رہتا ہوں خالدؔ جگمگانے کے لئے
خاندانِ مُصطفےٰ کے ماہ پاروں پر دُرود
Bheejhta rehta hoon Khalidؔ jagmagane ke liye
Khandan-e-Mustafa ke mah paron par durood
Share This Naat
Share with friends and family
آسمانِ مصطفٰےؐ کے چاند تاروں پر دُرود
خالد محمود خالد