مومن وہ ہے جو اُن کی عزّت پہ مَرے دِل سے
تعظیم بھی کرتا ہے نجدی تو مَرے دل سے
Momin wo hai jo unn ki izzat pe mare dil se
Tazim bhi karta hai najdi to mare dil se
واللہ وہ سُن لیں گے فریاد کو پہنچیں گے
اِتنا بھی تو ہو کوئی جو آہ کرے دل سے
Wallah wo sun lenge faryaad ko pohchain ge
Itna bhi to ho koi jo aah kare dil se
بچھڑی ہے گلی کیسی بگڑی ہے بنی کیسی
پوچھو کوئی یہ صَدمہ ارمان بھرے دل سے
Bichhri hai gali kesi bigri hai bani kesi
Poocho koi ye sadma arman bhare dil se
کیا اس کو گِرائے دہر جس پَر تُو نظر رکھے
خاک اُس کو اٹھائے حشر جو تیرے گرے دل سے
Kya us ko girae daher jis par tu nazar rakhe
Khaak us ko uthae hashr jo tere gire dil se
بہکا ہے کہاں مجنوں لے ڈالی بنوں کی خاک
دم بھر نہ کیا خیمہ لیلیٰ نے پَرے دل سے
Behka hai kahan majnoon le dali banon ki khaak
Dam bhar na kiya khema laila ne pare dil se
سونے کو تپائیں جب کچھ مِیل ہو یا کچھ مَیل
کیا کام جہنم کے دَھرے کو کھرے دل سے
Sone ko tapayein jab kuch meel ho ya kuch mail
Kya kam jahannum ke dhare ko khare dil se
آتا ہے درِ والا یُوں ذوقِ طواف آنا
دل جان سے صدقے ہو سر گرِد پھرے دل سے
Aata hai dar wala yun zauk-e-tawaf aana
Dil jaan se sadqe ho sar gird phire dil se
اے ابرِ کرم فریاد فریاد جَلا ڈالا
اس سوزشِ غم کو ہے ضِد میرے ہرے دل سے
Ae abr-e-karam faryaad faryaad jala daala
Is sozaish-e-gham ko hai zid mere hare dil se
دریا ہے چڑھا تیرا کتنی ہی اڑائیں خاک
اُتریں گے کہاں مجرم اے عفو ترے دل سے
Darya hai charha tera kitni hi urain khaak
Utren ge kahan mujrim ae afu tere dil se
کیا جانیں یِم غم میں دِل ڈُوب گیا کیسا
کِس تہ کو گئے ارماں اب تک نہ تِرے دل سے
Kya jaanein yim gham mein dil doob gaya kaisa
Kis teh ko gaye arman ab tak na tire dil se
کرتا تو ہے یاد اُن کی غفلت کو ذرا روکے
لِلّٰہ رضا ؔ دل سے ہاں دل سے ارے دل سے
Karta to hai yaad unn ki ghaflat ko zara roke
Lillah Raza dil se haan dil se are dil se
Share This Naat
Share with friends and family
مومن وہ ہے جو اُن کی عزّت پہ مَرے دِل سے
احمد رضا خان بریلوی