رحمت لقب ہے اَور جو بیکس نواز ہے
مجھ کو تو بس اسی کی غلامی پہ ناز ہے
Rehmat laqab hai aur jo bekas nawaz hai
Mujh ko to bas usi ki ghulami pe naaz hai
معیارِ بندگی ہے انہیں کی ہر اک ادا
عشقِ رسولِؐ پاک ہی روحِ نماز ہے
Meyar-e-bandagi hai unhi ki har ik ada
Ishq-e-Rasoolؐ-e-paak hi rooh-e-namaz hai
از فرش تا بہ عرش ہے معراج ہی کی دھوم
کیا رو بروئے آئینہ آئینہ ساز ہے
Az farsh ta be arsh hai meraaj hi ki dhoom
Kya ro bruye aaina aaina saaz hai
میرا مشاہدہ بھی ہے اور تجربہ بھی ہے
جو آپ کا غلام ہے وہ سرفراز ہے
Mera mushahida bhi hai aur tajurba bhi hai
Jo aap ka ghulam hai woh sarfaraz hai
حالات خواہ کچھ بھی ہوں لیکن ہوں مطمئن
ہے لاج جس کے ہاتھ وہ بندہ نواز ہے
Halaat khwah kuch bhi hon lekin hon mutma'in
Hai laaj jis ke haath wo banda nawaz hai
کوئی بھی میراغیر نہیں کائنات میں
یہ نسبتِ رسولؐ محبت نواز ہے
Koi bhi mera ghair nahi kainaat mein
Yeh nisbat-e-Rasoolؐ mohabbat nawaz hai
صدقہ ہے آپؐ کا کہ وہ ہم سے بھی ہے قریب
ورنہ خدائے پاک بڑا بے نیاز ہے
Sadaqa hai aapؐ ka ke woh hum se bhi hai qareeb
Warna Khuda'e-Paak bara beniyaaz hai
اے ادعائے نسبتِ سرکار ہوشیار
کوتاہیِِ عمل کا بھلا کیا جواز ہے
Ae ad'aye nisbat-e-Sarkar hoshiyar
Kotahi-e-amal ka bhala kya jawaaz hai
خالدؔ اگر ملا تو ملا شغلِ نعت سے
مقبول بارگاہ خدا جو گداز ہے
Khalidؔ agar mila to mila shughal-e-naat se
Maqbool bargah Khuda jo gudaaz hai
Share This Naat
Share with friends and family
رحمت لقب ہے اَور جو بیکس نواز ہے
خالد محمود خالد