مجسم پیکرِ حُبِ رسولِ پاکؐ کر لیجے
عمل سے خود کو شیدائے شہِ لولاک کر لیجے
Mujasam paikar-e hub-e Rasool-e Paak ﷺ kar lijye
Amal se khud ko sheedaaye Sheh-e Loaak kar lijye
نبیؐ کے عشق میں دامانِ دل کو چاک کر لیجے
جنوں کے راہ سے حاصل حدِ ادراک کر لیجے
Nabi ﷺ ke ishq mein daaman-e dil ko chaak kar lijye
Junoon ke raah se hasil had-e idraak kar lijye
کثافت دور ہوتی ہے فضائے شہرِ طیبہ میں
درِ آقاؐ پہ چل کر روح و دل کو پاک کر لیجے
Kasafat door hoti hai faza-e Sheher-e Tayyiba mein
Dar-e Aaqa ﷺ pe chal kar rooh o dil ko paak kar lijye
بلائیں دور ہو جائیں گی فیضِ اسمِ اعظم سے
مصیبت جب پڑے وردِ درودِ پاک کر لیجے
Balaaein door ho jaayengi faiz-e Ism-e Aazam se
Museebat jab padeh wird-e durood-e paak kar lijye
رسولِ پاک کی سنت پہ چلنا ہے تو پھر اپنا
بجائے قصر مسکن خانۂ خاشاک کر لیجے
Rasool-e Paak ki sunnat pe chalna hai to phir apna
Bajaaye qasr maskan khanah-e kashaak kar lijye
یہ شہرِ علم کا در ہے جبینِ قلب خم کر کے
درِ آقاؐ پہ حاصل دانش و ادراک کر لیجے
Yeh Sheher-e ilm ka dar hai jabeen-e qalb kham kar ke
Dar-e Aaqa ﷺ pe hasil Danish o idraak kar lijye
گلے میں ڈال کر پٹہ پیمبر کی غلامی کا
زمیں پر رہ کے حاصل رفعتِ افلاک کر لیجے
Gale mein daal kar patta Peymabar ki ghulami ka
Zameen par reh ke hasil rufat-e aflaak kar lijye
دہن محفوظ رکھنا ہے اگر امراضِ دنداں سے
نبیؐ کی جان کر سنت فقط مسواک کر لیجے
Dahan mehfooz rakhna hai agar amraz-e dandan se
Nabi ﷺ ki jaan kar sunnat faqat miswak kar lijye
مدینے سے بچھڑنے کی گھڑی لو آگئی احسؔن
دل و چشم و نظر کو ہجر میں نمناک کر لیجے
Madine se bichhadne ki ghadi lo aagai Ahsan
Dil o chashm o nazar ko hijar mein namnak kar lijye
Share This Naat
Share with friends and family
مجسم پیکرِ حُبِ رسولِ پاکؐ کر لیجے
احسن اعظمی