جو بات ظُلم سے نہ ہُوئی پیار سے ہُوئی
تہذیب زندگی تِرے کِردار سے ہُوئی
Jo baat zulm se na hui pyaar se hui
Tehzeeb zindagi tire kirdaar se hui
جو مہر و ماہ بھی نہ زمانے کو دے سکے
وُہ روشنی تِرے دَر و دیوار سے ہُوئی
Jo mehr o maah bhi na zamane ko de sake
Woh roshni tire dar o deewaar se hui
امکان کی حدوں سے پرے تک ترے قدم
پیمائشِ جہاں تِری پرکار سے ہُوئی
Imkaan ki hadon se paray tak tere qadam
Pemaiesh-e-jahaan teri parkaar se hui
ساحل کی آرزُو ، نہیں تعلیمِ مُصطفؐے ٰ
یہ ناؤ تو روانہ ہی منجد ھار سے ہُوئی
Saahil ki aarzu, nahi taleem-e-Mustafa (SAW)
Yeh nao to rawana hi manjdharr se hui
مظلوم کے لہو کا مقدّر بھی جاگ اٹھا
اِس کی بھی قدر آپ کی تلوار سے ہُوئی
Mazloom ke lahoo ka muqaddar bhi jaag utha
Is ki bhi qadar aap ki talwaar se hui
پتّھر بھی کھائے میرے رسُولِ کریمؐ نے
معراجِ حق بھی زینہء ایثار سے ہُوئی
Pathar bhi khaye mere Rasool e Kareem (SAW) ne
Mairaaj-e-haq bhi zeena-e-eeesaar se hui
تخلیقِ کائنات بھی صَدقہ حضورؐ کا
تزئینِ کائنات بھی سرکار سے ہُوئی
Takhleeq-e-kainaat bhi sadqa Huzoor (SAW) ka
Tazeen-e-kainaat bhi Sarkaar se hui
عِزّت ہُوئی جہاں میں مظفّر کی آپؐ سے
زر سے ہُوئی نہ جُبّہ و دستار سے ہُوئی
Izzat hui jahaan mein Muzafar ki aap (SAW) se
Zar se hui na jubba o dastaar se hui