نبیؐ کے ذِکر سے روشن تھے بام و در میرے
یہ نُور رات برستا رہا ہے گھر میرے
Nabi ke zikr se roshan the bam o dar mere
Ye noor raat barasta raha hai ghar mere
اِس التفات پہ میرا رُواں رُواں ہے گواہ
کرم طلب سے زیادہ تھا حال پر میرے
Is iltifaat pe mera rooa rooaa hai gawah
Karam talab se zyada tha haal par mere
جمالِ گنبدِ خضرا، ضیائے صحنِ حرم
مرے سفر میں یہ جلوے تھے ہمسفر میرے
Jamal e gunbad e khizra, ziyaa e sehn e haram
Mere safar mein ye jhalwe the humsafar mere
اُنہیںؐ کے نقشِ قدم پر کیا ہے میں نے طواف
مرے حضورؐ وہاں بھی تھے راہبر میرے
Unhi ke naqsh e qadam par kiya hai maine tawaaf
Mere Huzoor wahan bhi the rahbar mere
رُکے تو دیکھوں کہ روضہ ہے یا تصوّر ہے
ابھی تو گریہ ہے طاری حواس پر میرے
Ruke to dekhoon ke roza hai ya tasawwur hai
Abhi to giriya hai taari hawaas par mere
کبھی بلائیں تو پہونچوں گا اُنؐ کے قدموں تک
مگر ابھی کھلی آنکھوں کے یہ سفر میرے !
Kabhi bulayen to pohonchoon ga unke qadmon tak
Magar abhi khuli aankhon ke ye safar mere!
حنیفؔ اذنِ حضوری ملے تو عرض کرُوں
ابھی تو میرے ہی دامن میں ہیں گُہر میرے
Haneef izn e huzoori mile to arz karoon
Abhi to mere hi daaman mein hain guhar mere
Share This Naat
Share with friends and family
نبیؐ کے ذِکر سے روشن تھے بام و در میرے
حنیف اسعدی