فکر و فن حرفِ سخن نکتہ رسی مبہوت ہے
روبروئے نعتِ سرور شاعری مبہوت ہے
Fikr o fun harf e sakhan nukta rasi mabhoot hai
Roobru e naat e sarwar shairi mabhoot hai
لفظ ان کی شان کے لائق میسر ہی نہیں
ہندی اردو محوِ حیرت فارسی مبہوت ہے
Lafz in ki shaan ke laayak mayassar hi nahi
Hindi Urdu mehve hairat Farsi mabhoot hai
تذکرہ شاید چھڑا ہوگا دیارِ نور کا
جنت الفردوس کی بارہ دری مبہوت ہے
Tazkara shayad chhira hoga dayar e noor ka
Jannat ul firdous ki barah dari mabhoot hai
کون گزرا ہے فضائیں مشکبو کرتا ہوا
شہرِ خوش تمثیل کی ہر اک گلی مبہوت ہے
Kaun guzra hai fazaen mushkboo karta hua
Shehr e khush tamseel ki har aik gali mabhoot hai
واہ رزقِ خاکِ شہرِ نور ہونا ہے مجھے
زائرِ بطحا کی پلکوں پر نمی مبہوت ہے
Wah rizq e khaak e shehr e noor hona hai mujhe
Zair e bat'ha ki palkon par nami mabhoot hai
نقشِ نعلینِ نبی کمرے میں آویزاں کیا
بام و در میں راج کرتی روشنی مبہوت ہے
Naqsh e n’alain e Nabi kamray mein aavezan kiya
Baam o dar mein raaj karti roshni mabhoot hai
ذکر ہے شاہِ مدینہ کے لب و رخسار کا
سر بہ خم ہیں نکہتیں اور تازگی مبہوت ہے
Zikr hai shah e Madina ke lab o rukhsar ka
Sar ba kham hain nikkhatain aur tazagi mabhoot hai
شان و شوکت دیکھ کر ادنیٰ گدائے شاہ کی
بادشاہانِ جہاں کی سروری مبہوت ہے
Shaan o shaukat dekh kar adna gada e shah ki
Badshahan e jahan ki sarwari mabhoot hai
دیکھ کر تکریمِ شاہِ دوسرا معراج پر
کہکشائیں دنگ ہیں جبریل بھی مبہوت ہے
Dekh kar takreem e shah e dosra meraaj par
Kehkashaan dangg hain Jibreel bhi mabhoot hai
دو جہاں کی بادشاہت اور غذا نانِ جویں
چھال کے بستر پہ ساری سادگی مبہوت ہے
Do jahan ki badshahat aur ghiza naan e jowin
Chhaal ke bistar pe saari saadgi mabhoot hai
گفتگو اشفاق سن کر سرورِ کونین کی
نکتہ داں سکتے میں ہیں دیدہ وری مبہوت ہے
Guftagu Ashfaq sun kar sarwar e konain ki
Nukta daan sakte mein hain deeda wari mabhoot hai
Share This Naat
Share with friends and family
فکر و فن حرفِ سخن نکتہ رسی مبہوت ہے
اشفاق احمد غوری