اوہدے کول دکھاں دا حل اے
کرم اہدے دی ساری گل اے
Ohdhe kol dukhaan da hal ae
Karam ohdhe di saari gal ae
اوہدا اسم محمد عام اے اوہدی حمد دوام دوام اے
اوہ مٹھے کر دا سَل اے اوہدے کول دکھاں دا حل اے
Ohda ism Muhammad aam ae ohdi hamd dawaam dawaam ae
Oh mithay kar da sal ae ohdhe kol dukhaan da hal ae
اوہدا گھر اللہ دا گھر اے اوہدا در الله دا در اے
اوہدا اللہ اوہدے ول اے اوہدے کول دکھاں داحل اے
Ohda ghar Allah da ghar ae ohda dar Allah da dar ae
Ohda Allah ohdhe wal ae ohdhe kol dukhaan da hal ae
اوہدا اسم اللہ دے اسموں اوہدا علم اللہ دے علموں
اوہدی گل اللہ دی گل اے اوہدے کول دُکھاں داحل اے
Ohda ism Allah de ismoh ohda ilm Allah de ilmoh
Ohdi gal Allah di gal ae ohdhe kol dukhaan da hal ae
اہدا کرم وی لا محدود اے اوہ حماد اے اوہ محمود اے
اہدا دل اللہ دا محل اے اوہدے کول دکھاں دا حل اے
Ahda karam vi la mehdood ae oh hamad ae oh mahmood ae
Ahda dil Allah da mehal ae ohdhe kol dukhaan da hal ae
اوہ موسیٰ دا وی طور اے اوہدے کول کمال سرور اے
دُکھ صائم کردا ول اے اوہدے کول دکھاں دا حل اے
Oh Moosa da vi toor ae ohdhe kol kamaal suroor ae
Dukh Saaim karda wal ae ohdhe kol dukhaan da hal ae
Share This Naat
Share with friends and family
اوہدے کول دکھاں دا حل اے
علامہ صائم چشتی