کرم کے راز کو علم و خبر رکھتے ہیں
جو لوگ گنبدِ خضرا نظر میں رکھتے ہیں
Karam ke raaz ko ilm o khabar rakhte hain
Jo log Gunbad-e-Khazra nazar mein rakhte hain
جنونِ عشق محمد جو سر میں رکھتے ہیں
عجب مقام جہانِ ہنر میں رکھتے ہیں
Junoon-e-Ishq-e-Muhammad jo sar mein rakhte hain
Ajab maqam jahan-e-hunar mein rakhte hain
نبی کے نام کی نسبت سے ہم سے عاصی بھی
دُعائیں اپنی حدودِ اثر میں رکھتے ہیں
Nabi ke naam ki nisbat se hum se aasi bhi
Duayen apni hudood-e-asar mein rakhte hain
خدا شناسی کی منزل میں پیروانِ رسول
چراغِ علم و عمل رہگذر میں رکھتے ہیں
Khuda Shanasi ki manzil mein Peer-e-Rasool
Charagh-e-ilm o amal rehguzar mein rakhte hain
جو اہل دل ہیں مدینے کی سمت جاتے ہوئے
متاعِ نعت بھی زادِ سفر میں رکھتے ہیں
Jo ahl-e-dil hain Madinay ki simt jaate huye
Mata-e-naat bhi zaad-e-safar mein rakhte hain
کہاں ہم اور کہاں مدحت رسول صبیح ؔ
اِک ارتعاش سا قلب و جگر میں رکھتے ہیں
Kahan hum aur kahan madha-e-Rasool Sabeeh
Ik irtaash sa qalb o jigar mein rakhte hain
Share This Naat
Share with friends and family
کرم کے راز کو علم و خبر رکھتے ہیں
سید صبیح الدین صبیح رحمانی