حق سے بندوں کو ملایا آپ نے
نارِ دوزخ سے بچایا آپ نے
Haq se bandon ko milaya aap ne
Nar-i-dozakh se bachaya aap ne
منبعِ انوار ہے ذات آپ کی
ظلمتوں کو ہے مٹایا آپ نے
Manba-i-anwaar hai zaat aap ki
Zulmaton ko hai mitaya aap ne
لڑتے مرتے تھے جو ایک اِک بات پر
قلب کو ان کے ملایا آپ نے
Ladtay martay thay jo aik ik baat par
Qalb ko un ke milaya aap ne
جو کسی سے ہو سکا نہ ہو سکے
کام وہ کر کے دکھایا آپ نے
Jo kisi se ho saka na ho sake
Kaam wo kar ke dikhaya aap ne
اختیار ایسا خدا نے دے دیا
ڈوبے سورج کو پِھرایا آپ نے
Ikhtiyaar aisa khuda ne de diya
Doobay suraj ko phiraya aap ne
آخری حج رہنما آئین ہے
دِلنشیں خطبہ سنایا آپ نے
Aakhri Hajj rehnuma aaeen hai
Dilnasheen khutba sunaya aap ne
اُس کو دنیا میں شہنشاہی ملی
ہے گدا جس کو بنایا آپ نے
Us ko duniya mein shahenshahi mili
Hai gada jis ko banaya aap ne
کوئی داتا اور کوئی خواجہ بنا
رنگ ہے جس پر چڑھایا آپ نے
Koi daata aur koi khwaja bana
Rang hai jis par charhaya aap ne
دو جہاں میں اُٹھ نہیں سکتا کبھی
جس کو نظروں سے گرایا آپ نے
Do jahan mein uth nahi sakta kabhi
Jis ko nazron se giraya aap ne
بس وہی عاشق مدینے جا سکا
جس کسی کو ہے بُلایا آپ نے
Bas wahi aashiq madine ja saka
Jis kisi ko hai bulaya aap ne
آسرا مرزا کی بخشش کا ہُوا
مدح خواں اپنا بنایا آپ نے
Aasra Mirza ki bakhshish ka hua
Madh khwan apna banaya aap ne
Share This Naat
Share with friends and family
حق سے بندوں کو ملایا آپ نے
مرزا جاوید بیگ عطاری