مدحت گری میں اوجِ ہنر دیکھتا رہا
حرفِ ثنا کو رشکِ گہر دیکھتا رہا
Midhat gari mein ooj-e-hunar dekhta raha
Harf-e-sana ko rashk-e-guhar dekhta raha
منظر ابھرتے جاتے تھے آنکھوں کے سامنے
طیبہ کو میں درونِ سفر دیکھتا رہا
Manzar ubhartay jatay thay aankhon ke samnay
Tayyiba ko mein daroon-e-safar dekhta raha
پورا تھا لب پہ آنے سے پہلے ہی مدعا
روضے پہ ہر دعا کا اثر دیکھتا رہا
Poora tha lab pe anay se pehlay hi mudda
Roze pe har dua ka asar dekhta raha
ان کے حضور آ کے چھٹی تیرگی تمام
میں اپنی زندگی کی سحر دیکھتا رہا
Un ke huzoor aa ke chhuti tirgi tamam
Mein apni zindagi ki sehar dekhta raha
ہر ایک ہے حضورؐ کی رحمت کا آئنہ دار
گنبد ، سنہری جالیاں ، در دیکھتا رہا
Har aik hai Huzoor (SAW) ki rehmat ka aaina dar
Gunbad, sunehri jaaliyaan, dar dekhta raha
گالوں پہ آب دار گہر پھیلتے رہے
کس شوق سے حضورؐ کا گھر دیکھتا رہا
Gaalon pe aab dar guhar phailtay rahay
Kis shauq se Huzoor (SAW) ka ghar dekhta raha
ہر شخص میں تھی شہرِ مدینہ کی محویت
انوار کے جلو میں بشر دیکھتا رہا
Har shakhs mein thi Sheher-e-Madina ki mahwiyat
Anwaar ke jalo mein bashar dekhta raha
انساں ہے اپنے رتبۂ عالی پہ ، جب تلک
اہلِ نظر کو اہلِ نظر دیکھتا رہا
Insan hai apnay rutba-e-aali pe, jab talak
Ahl-e-nazar ko ahl-e-nazar dekhta raha
طاہرؔ نبیؐ کے عشق میں بڑھتے رہے قدم
مٹتا میں دل سے حشر کا ڈر دیکھتا رہا
Tahir Nabi (SAW) ke ishq mein bardahtay rahay qadam
Mitta mein dil se hashar ka darr dekhta raha
Share This Naat
Share with friends and family
مدحت گری میں اوجِ ہنر دیکھتا رہا
پروفیسر محمد طاہر صدیقی