کس پہ ترا کرم نہیں کس پہ تری عطا نہیں
صدقہ تمہارے نام کا کس کو شہا ملا نہیں
kis pe tera karam nahi kis pe teri ata nahi
sadqa tumhare naam ka kis ko shaha mila nahi
اے گل حسن سرمدی نکہت باغ ہاشمی
دُھوم تری گلی گلی تجھ سا کوئی ہوا نہیں
ae gul-e husn-e sarmadi nikhhat-e bagh-e hashmi
dhoom teri gali gali tujh sa koi huwa nahi
دنیائے بے ثبات میں تیرے سوا ہے میرا کون
زندہ ہوں تیرے نام پر اور تو آسرا نہیں
dunyaye be sabat mein tere siwa hai mera kaun
zinda hoon tere naam par aur tu asra nahi
گذرے وہ پل صراط سے جائے وہ کیسے خلد میں
شامل حال یا نبی تیری اگر رضا نہیں
guzre woh pul sirat se jaye woh kaise khald mein
shaamil-e haal ya nabi teri agar raza nahi
تیرا کرم بھی بے حساب میری طلب بھی بے حساب
تجھ سا کوئی سخی نہیں مجھ سا کوئی گدا نہیں
tera karam bhi be hisaab meri talab bhi be hisaab
tujh sa koi sakhi nahi mujh sa koi gada nahi
عرصہ حشر ہو حضور یا پل صراط کا مقام
مجھ کو بچائے جو وہاں کوئی تیرے سوا نہیں
arsah-e hashr ho huzoor ya pul sirat ka maqam
mujh ko bachaye jo wahan koi tere siwa nahi
صدقہ نبی کے نام کا ملتا ہے روز دوستو
جھولی میں میری کچھ نہ ہو ایسا کبھی ہوا نہیں
sadqa nabi ke naam ka milta hai roz dosto
jholi mein meri kuch na ho aisa kabhi huwa nahi
شہر نبی کی حاضری کوئے نبی کی چاکری
اس کے سوا مرے خدا کوئی مری دعا نہیں
shehr nabi ki hazri koye nabi ki chakari
is ke siwa mere khuda koi meri dua nahi
دونوں جہاں کی نعمتیں مجھ کو نیازی مل گئیں
صدقہ نبی کی آل کا جھولی میں میری کیا نہیں
dono jahan ki nematein mujh ko Niazi mil gain
sadqa nabi ki aal ka jholi mein meri kya nahi
Share This Naat
Share with friends and family
کس پہ ترا کرم نہیں کس پہ تری عطا نہیں
عبدالستار نیازی