ہر طرف بہاراں نے ہر طرف اُجالے نے
دنیا نوں وسا چھڈیا میرے کملی والے نے
Har traf baharaan ne har traf ujale ne
Duniya nu wasa chhadia mere kamli wale ne
دن حشر دے ڈھک لینا ہر مجرم و عاصی نوں
سرکارِ مدینہ دی رحمت دے دو شالے نے
Din hashr de dhak lena har mujrim o aasi nu
Sarkar-e-Madina di rehmat de do shale ne
مُجرم ساں بڑا بھارا دن حشر دے میں سب توں
دوزخ توں بچا چھڈیا اہدے ناں دے حوالے نے
Mujrim saan vadda bhaara din hashr de mai sab ton
Dozakh ton bacha chhadia o de naan de hawale ne
مُنہ کالا ساں میں دفتر عملاں دا وی کالا سی
منہ کالے دی لاج رکھ لئی اہدے کمبل کالے نے
Munh kala saan mai daftar amlaan da vi kala si
Munh kale di laaj rakh laee o de kambal kale ne
کس نال مثال دیاں اوہدے شہر مدینے دی
ذرے وی مدینے دے دُنیا توں نرالے نے
Kis nal misaal diyan oh de shehar Madine di
Zarray vi Madine de duniya ton nirale ne
جند جان نوں وار دیاں سرکار دی یاد اُتوں
دُکھ درد زمانے دے اوہدی یاد نے ٹالے نے
Jind jaan nu waar diyan Sarkar di yaad uton
Dukh dard zamane de ohdi yaad ne taale ne
اوہناں دے مزاراں تے انوار دا مینہ وسنا
دیوے جہناں محفل وچ اہدی یاد دے بالے نے
Ohna de mazaaraan te anwaar da meenh wasna
Deeve jehanaan mehfil vich ohdi yaad de baale ne
سرکار دا غم صائم دُنیا توں لکاؤندا ساں
اس راز نوں کھول دیتا ہنجواں دے اچھالے نے
Sarkar da gham Saima dunia ton lukaonda saan
Is raaz nu khol ditta hanjwaan de uchhale ne
Share This Naat
Share with friends and family
ہر طرف بہاراں نے ہر طرف اُجالے نے
علامہ صائم چشتی