مایوسیوں کا میری سہارا تمہیں تو ہو
میرے خیال و خواب کی دنیا تمہیں تو ہو
Mayusiyon ka meri Sahara tumhi to ho
Mere khayal o khwab ki duniya tumhi to ho
تاباں ہے جس کے نور سے دنیائے زندگی
وہ شمع نور، نورِ سراپا تمہیں تو ہو
Tabaan hai jis ke noor se duniaye zindagi
Woh shama noor, Noor e Sarapa tumhi to ho
پھرتے ہیں جس کو ڈھونڈتے مہتاب وآفتاب
اے حاصل مراد وہ جلوہ تمہیں تو ہو
Phirtay hain jis ko dhoondte mehtab o aftaab
Ae hasil e murad wo jalwa tumhi to ho
ہے حُسن میں تمہارے کچھ اس طرح دل کشی
سو بار جس کو دیکھ کر دیکھا تمہیں تو ہو
Hai husn mein tumhare kuch is tarah dil kashi
So bar jis ko dekh kar dekha tumhi to ho
تم اور صرف تم ہو زمانہ کی آبرو
گیسو جہاں کا جس نے سنوارا تمہیں تو ہو
Tum aur sirf tum ho zamana ki aabru
Gesu jahan ka jis ne sanwara tumhi to ho
تم سامنے نہیں ہو تو کچھ سوجھتا نہیں
آنکھوں کا نور، دل کا اجالا تمہیں تو ہو
Tum samne nahi ho to kuch soojhta nahi
Ankhon ka noor, dil ka ujala tumhi to ho
قربان تم پر دونوں جہاں کی مسرتیں
روزِ ازل سے دل کی تمنا تمہیں تو ہو
Qurbaan tum par dono jahan ki musarratein
Roz e azal se dil ki tamanna tumhi to ho
تم وہ کہ بُت کدے کو بھی کعبہ بنا دیا
مقصودِ کعبہ، کعبہ کا کعبہ تمہیں تو ہو
Tum wo ke but kade ko bhi Ka'ba bana diya
Maqsud e Ka'ba, Ka'ba ka Ka'ba tumhi to ho
سینہ بنا ہوا ہے مدینے کا آئینہ
حامد کے دل میں سید والا تمہیں تو ہو
Seena bana hua hai madine ka aaeena
Hamed ke dil mein Syed wala tumhi to ho
Share This Naat
Share with friends and family
مایوسیوں کا میری سہارا تمہیں تو ہو
حامد بدایونی