ذکر دی بزم سجاون دی عادت پئے گئی اے
نعتاں سنن سناؤن دی عادت پئے گئی اے
Zikr di bazm sajawan di adat payi gayi ay
Naataan sunan sunawan di adat payi gayi ay
خلق نبی دیاں گلاں کر کر ویریاں نوں
مینوں یار بناؤن دی عادت پئے گئی اے
Khalq Nabi diyaan galaa kar kar weriyaan nu
Mainu yaar banawan di adat payi gayi ay
مٹھڑے مٹھڑے گیت نبی دے سن سن کے
اپنا آپ لٹاون دی عادت پئے گئی اے
Mithray mithray geet Nabi de sun sun ke
Apna aap lutawan di adat payi gayi ay
پتہ نہیں یار نے کیہڑے ویلے آ جانا
پلکاں یار وچھاون دی عادت پئے گئی اے
Pata nahi yaar nay kehray wele aa jana
Palkan yaar wichhawan di adat payi gayi ay
جنہاں نے اک وار مدینہ دیکھ لیا
مڑمڑ طیبہ آون دی عادت پئے گئی اے
Jinaan nay ik waar Madina dekh liya
Murrmurr tayba aawan di adat payi gayi ay
بوہے کھول کے سوہنے نبی دیاں یاداں دے
اپنا من پرچاون دی عادت پئے گئی اے
Bohe khol ke sohnay Nabi diyaan yaadan de
Apna man parchawan di adat payi gayi ay
دیکھ کے خلق مدینے والے سوہنے دا
جگ دے بھار ونڈاون دی عادت پئے گئی اے
Dekh ke khalq Madine walay sohnay da
Jag de bhaar wandawan di adat payi gayi ay
کملا رملا سمجھ کے بولیاں مارو ناں
پڑھیا سبق بھلاؤن دی عادت پئے گئی اے
Kamla ramla samajh ke boliyan maaro naa
Parhiya sabaq bhulawan di adat payi gayi ay
سن لیندا اے اوہ تے چپ چپیتیاں دی
تینوں کیوں کرلاؤن دی عادت پئے گئی اے
Sun linda ay ohh tay chup chupatiyaan di
Tainu kyon karlawan di adat payi gayi ay
ایہہ ہے صدقہ یار نیازی چنگیاں دا
مندیاں نال نبھاؤن دی عادت پئے گئی اے
Ay hai sadqa yaar Niazi changiyaan da
Mandiyan nal nibhawan di adat payi gayi ay
Share This Naat
Share with friends and family
ذکر دی بزم سجاون دی عادت پئے گئی اے
عبدالستار نیازی