گلاب چاند شہنشہ اِمام کیا کیا ہے
مِرے حضور کا اِک اِک غلام کیا کیا ہے ؟
Gulab chaand shahanshah imam kya kya hai
Mire huzoor ka ik ik ghulam kya kya hai?
تمہارے قدّ و دہَن اور زُلف کیا کہنا
کہ جن کی شاں میں الف ، میم ، لام کیا کیا ہے ؟
Tumhare qad-o-dahan aur zulf kya kehna
Ke jin ki shaan mein alif, meem, laam kya kya hai?
مِلا جو تیرے غلاموں کو ، ہے وَرائے شُمار
اَماں عذاب سے ، کوثر کا جام کیا کیا ہے ؟
Mila jo tere ghulamon ko, hai waraa-e-shumar
Amaan azaab se, kausar ka jaam kya kya hai?
لَبان و عارِض و گیسو کے نعت خوانوں میں
گلاب ، لَعل ، دَمِ صبح ، شام کیا کیا ہے؟
Laban-o-aariz-o-gesu ke naat khwanon mein
Gulab, laal, dam-e-subh, shaam kya kya hai?
طفیلِ نعت جو مِلتی ہیں ،اُن عطاؤں میں
نشاطِ روح ،غِنا ،لطفِ تام۔ کیا کیا ہے ؟
Tufail-e-naat jo milti hain, un ataon mein
Nishaat-e-ruh, ghina, lutf-e-taam. kya kya hai?
ثنائے زلف کے شایاں نہیں ، برائے بیاں
اگرچہ مُشک ،گَھٹا، شب ، غَمام ، کیا کیا ہے ؟
Sana-e-zulf ke shaaya'n nahi, baraye bayan
Agarche mushk, ghata, shab, ghamam, kya kya hai?
یہ کائنات بنی اور بزمِ حشر سجی
ہوا تمہارے لیے اہتِمام کیا کیا ہے ؟
Ye kainat bani aur bazm-e-hashr saji
Hua tumhare liye ehtimam kya kya hai?
سجا ہے عالَم بالا ، تھمی ہے نبضِ جہاں
شبِ عروج ہوا انتظام کیا کیا ہے ؟
Saja hai aalam-e-bala, thami hai nabz-e-jahan
Shab-e-urooj hua intezam kya kya hai?
بَقیدِ نار کِیا ، کھولے عَیب ، خالِق نے
تِرے عَدو سے لیا انتقام کیا کیا ہے
Baqeed-e-naar kiya, khole aib, khaliq ne
Tire adu se liya inteqam kya kya hai
حضور ! عرض خدا سے کریں کہ محشر میں
نہ پوچھ میرے معظم سے کام کیا کیا ہے ؟
Huzoor! arz khuda se karein ke mahshar mein
Na pooch mere mo'azzam se kaam kya kya hai?
مِرا کلام یہ عُشّاق سُن کے بول اٹھے
سناؤ اور معظمؔ ! کلام کیا کیا ہے ؟
Mira kalaam ye ushshaaq sun ke bol uthhe
Sunaao aur Mo'azzam! kalaam kya kya hai?
Share This Naat
Share with friends and family
گلاب چاند شہنشہ اِمام کیا کیا ہے
معظم سدا معظم مدنی