وہ معلّم وہ اُمیّ لقب آگیا
رونق ِ دو جہاں کا سبب آگیا
vo muallim vo ummi laqab agaya
ronaqq-e-do jahan ka sabab agaya
چھَٹ گئیں کفر و باطل کی تاریکیاں
ہر ضیا لیکے ماہِ عرب آگیا
chhat gayi kafr o batil ki tareekiyan
har ziya leke mah-e-arab agaya
اسوہِ مصطفےٰ ؐ جس نے اپنالیا
اس کو جینے کا لاریب ڈھب آگیا
uswa-e-Mustafaؐ jis ne apnaliya
us ko jeene ka lareib dhab agaya
روح پر چھا گیا ایک کیف اتم
آپؐ کا نام جب زیرِ لب آگیا
rooh par chha gaya ek kaif atam
aapؐ ka naam jab zair-e-lab agaya
یہ بھی ان کی غلامی کا احسان ہے
مجھ سے نادان کو کچھ ادب آگیا
ye bhi un ki ghulami ka ehsaan hai
mujh se nadan ko kuchh adab agaya
کتنی حساس ہے ان کی چشمِ کرم
ان کی نظروں میں ہر جاں بلب آگیا
kitni hassaas hai un ki chashm-e-karam
un ki nazron mein har jaan balab agaya
ہے وہ امت حقیقت میں خیرِ امم
جس کے حِصے میں محبوبِؐ رب آگیا
hai vo ummat haqeeqat mein khair-e-umam
jis ke hise mein mehboobؐ-e-Rabb agaya
آپؐ آئے تو عصمت مآبی بڑھی
ہر طرف انقلاب اک عجب آگیا
aapؐ aaye to ‘ismat ma’abi barhi
har taraf inqilab ek ajab agaya
ہل گئی جو تھی بنیادِ غیض و غضب
جب زمیں پر وہ امی لقب آگیا
hil gayi jo thi bunyad-e-ghaiz o ghazab
jab zameen par vo ummi laqab agaya
آسماں تک کھلے راستے فکر کے
نام جب آپؐ کا زیرِ لب آگیا
aasman tak khulay rastay fikr ke
naam jab aapؐ ka zair-e-lab agaya
توڑ کر رکھ دیا ہر غرور ِ نسب
ایسا ہادئِ عالی نسب آگیا
tod kar rakh diya har gharur-e-nasb
aisa hadi-e-aali nasab agaya
وہ نگاہوں میں ہیں اور کوئی نہیں
جو سمجھ میں نہ آیا تھا اب آگیا
vo nigahon mein hain aur koi nahin
jo samajh mein na aaya tha ab agaya
سرجھکائے کھڑا تھا حجاب اٹھ گئے
کام خالدؔ کے حُسنِ طلب آگیا
sar jhukae khada tha hijab utth gaye
kaam Khalidؔ ke husn-e-talab agaya
Share This Naat
Share with friends and family
وہ معلّم وہ اُمیّ لقب آگیا
خالد محمود خالد