اوہ ریجھ کدی نہ سکدے نے جنت دیاں لالہ زاراں تے
اکوار نظر پے جاندی اے جنہاندی عرب دیاں خاراں تے
Oh raej kadi na sakde ne jannat diyan lala zaraan te
Akwar nazar pe jandi ae jinahan di Arab diyan kharaan te
اوہ حُسن نئیں عرش معلی تے اوہ کیف نئیں اسماناں تے
جو رُوپ نورانی چڑھیا اے طیبہ دے پاک بازاراں تے
Oh husn nai arsh e mualla te oh kaif nai asmanan te
Jo roop noorani chadhiya ae Tayyiba de pak bazaraan te
حبشی ول تک کے سوہنے نے چن نالوں سوہنا کر چھڈیا
پُھل بن گئے پائی نظر جدوں محبوب مرے نے خاراں تے
Habshi wal tak ke sohne ne chan nalo soh na kar chhadeya
Phul ban gaye paai nazar jadon mehboob mere ne kharaan te
اوہ ودھ شیشے توں چمکدیاں ودھ چن دے نالوں دمکدیاں
لشکاں اُسدے رُخسار دیاں پے جان جنہاں دیواراں تے
Oh vadh sheeshe ton chamakdiyan vadh chan de nalo damakdiyan
Lashkan usde rukhsaar diyan pe jaan jinhan diwaaran te
اوہ کول سُلائے ہوئے نے وچ گود لٹائے ہوئے نے
تنقید نہ کر پیا بے دردا کملی والے دے یاراں تے
Oh kol sulae hoye ne vich god latae hoye ne
Tanqeed na kar pia be darda kamli wale de yaaraan te
کی طاقت ہیسی کُوفیاں دی تلوار چلاوندے ایہناں تے
خُود دین بچان لئی آلِ نبی سر رکھ دتے تلواراں تے
Ki taqat hysi koofiyan di talwar chalanday ehna te
Khud deen bachan lai aal e Nabi sar rakh dite talawaraan te
جد عملاں والے محشر وچ پئے پرچے دیندے ہوون گے
رحمت نے پردے پا دینے صائم جے اوہ گنہاراں تے
Jad amlaan wale mahshar vich paye parchay daynday hovan ge
Rehmat ne parde pa dene saaim je oh gunaharaan te
Share This Naat
Share with friends and family
اوہ ریجھ کدی نہ سکدے نے جنت دیاں لالہ زاراں تے
علامہ صائم چشتی