فتحِ قفلِ سعادت ہے کارِ ثنا
سَدِّ بابِ شقاوت ہے کارِ ثنا
Fatah-e-qufl-e-saadat hai kar-e-sana
Sadd-e-baab-e-shaqawat hai kar-e-sana
اصلِ تحویلِ زحمت ہے کارِ ثنا
وجہِ تحصیلِ رحمت ہے کارِ ثنا
Asl-e-tahweel-e-zehmat hai kar-e-sana
Wajah-e-tahseel-e-rahmat hai kar-e-sana
محوِ رنج و کثافت درود و سلام
ثبتِ لطف و لطافت ہے کارِ ثنا
Mahw-e-ranj o kasafat durood o salaam
Sabt-e-lutf o latafat hai kar-e-sana
ہوشِ خود رفتہ ادراک یادِ حضور
زورِ گم گشتہ طاقت ہے کارِ ثنا
Hosh-e-khud rafta idraak yaad-e-huzoor
Zor-e-gum gashta taqat hai kar-e-sana
نَفَسِ دم گرفتہ ، مدارِ حیات
نطقِ لب بستہ حیرت ہے کارِ ثنا
Nafas-e-dam girifta, madaar-e-hayat
Nutq-e-lab basta hairat hai kar-e-sana
دافعِ ظلمتِ اعتبارِ مجاز
نور عین حقیقت ہے کار ثنا
Dafi-e-zulmat-e-aetbaar-e-majaz
Noor ain haqeeqat hai kar-e-sana
ماتنِ شرحِ کثرت ہے نامِ نبی
شارحِ متنِ وحدت ہے کارِ ثنا
Maatn-e-sharah-e-kasrat hai naam-e-nabi
Sharh-e-matn-e-wahdat hai kar-e-sana
ہے تری نقص جوئی نشانِ زَنیم
اور دلیلِ نجابت ہے کارِ ثنا
Hai teri nuqs joi nishaan-e-zaneem
Aur daleel-e-najabat hai kar-e-sana
ہے بجا ، اس کو کہیے اگر پل صراط
اس قدر پُر نزاکت ہے کارِ ثنا
Hai baja, is ko kahiye agar pul siraat
Is qadar pur nazaakat hai kar-e-sana
جس سے قفلِ اثر اے معظمؔ کُھلے
وہ کلیدِ اجابت ہے کارِ ثنا
Jis se qufl-e-asar ae Mo'azzam khulay
Woh kulid-e-ijabat hai kar-e-sana
Share This Naat
Share with friends and family
فتحِ قفلِ سعادت ہے کارِ ثنا
معظم سدا معظم مدنی