ہو گئی دور ہے رسوائی ترےؐ آنے سے
آدمیت نے جزا پائی ترےؐ آنے سے
Ho gayi door hai ruswai tereؐ aane se
Aadmiyat ne jaza pai tereؐ aane se
روح پر چھائی خزائوں نے ہے دم توڑ دیا
’’دل کی دنیا میں بہار آئی ترےؐ آنے سے‘‘
Rooh par chhai khazaon ne hai dum tod diya
"''Dil ki duniya mein bahar aai tereؐ aane se"''
وسعتِ گنبدِ خضریٰ کے تقدّس میں کہیں
کھو گیا گنبدِ مینائی ترےؐ آنے سے
Wusat-e-gumbad-e-khazra ke taqaddus mein kahin
Kho gaya gumbad-e-meenai tereؐ aane se
حور و غلماں نے سلامی کے قصیدے گائے
جنّت آداب بجا لائی ترےؐ آنے سے
Hoor o ghilman ne salami ke qaseede gaaye
Jannat adab baja lai tereؐ aane se
بے ردا دخترِ حوّا کو بنی آدم نے
خلعتِ ناز ہے پہنائی ترےؐ آنے سے
Be rida dukhtar-e-hawwa ko banni adam ne
Khilat-e-naaz hai pehnai tereؐ aane se
لو لگائے تھے سبھی ’’کن‘‘ کی تجلّی کے لیے
سب کی امید ہے بر آئی ترےؐ آنے سے
Lau lagaye the sabhi "Kun" ki tajalli ke liye
Sab ki umeed hai bar aai tereؐ aane se
تیرے آنے سے زمانے کے مقدر جاگے
نور افزا ہوئی بینائی ترےؐ آنے سے
Tere aane se zamane ke muqaddar jaage
Noor afza hui beenai tereؐ aane se
تیرے انوار کی عالم میں فراوانی سے
چاندنی چاند کی شرمائی ترےؐ آنے سے
Tere anwaar ki aalam mein farawani se
Chaandni chaand ki sharmai tereؐ aane se
سرمگیں آنکھ کا اک غمزۂ ابرو پا کر
میکدے ہو گئے ہرجائی ترےؐ آنے سے
Sarmageen aankh ka ik ghamza-e-abroo paa kar
Maikade ho gaye harjai tereؐ aane se
خود فریبی میں بھٹکتے ہوئے انسانوں کی
ہو گئی حق سے شناسائی ترےؐ آنے سے
Khud fareebi mein bhatakte hue insano ki
Ho gayi haq se shanasai tereؐ aane se
ہے ثنا خواں جو ترا خالقِ ہستی آقاؐ
فنِ مدحت کی ہے یکتائی ترےؐ آنے سے
Hai sana khwa jo tera khaliq-e-hasti aqaؐ
Fan-e-madhat ki hai yaktaai tereؐ aane se
مستند یوں ترے اوصافِ حمیدہ ٹھہرے
مسندِ کفر ہے تھرّائی ترےؐ آنے سے
Mustanad yun tere osaf-e-hameeda thehre
Masnad-e-kufr hai tharrraai tereؐ aane se
تیرے سائل کو ملی تیری رضا، تیری عطا
ہر مراد اس کی ہے بر آئی ترےؐ آنے سے
Tere sail ko mili teri raza, teri ata
Har muraad us ki hai bar aai tereؐ aane se
سوچ کو گھیرے ہوئے تھی یہ خیالی دنیا
مل گئی فکر کو پہنائی ترےؐ آنے سے
Soch ko ghere hue thi yeh khiyali duniya
Mil gayi fikr ko pehnai tereؐ aane se
شہر در شہر یہاں عالمِ رسوائی تھا
ملکِ دل میں ہے شکیبائی ترےؐ آنے سے
Shehar dar shehar yahan aalam-e-ruswai tha
Mulk-e-dil mein hai shakeebai tereؐ aane se
نا شگفتہ تھا چمن تلخیِ دوراں کے سبب
پھولوں کلیوں کی ہے بن آئی ترےؐ آنے سے
Na shugfta tha chaman talkhi-e-doran ke sabab
Phoolon kaliyon ki hai ban aai tereؐ aane se
تھی زمیں تپتے ہوئے دشت کی صورت کب سے
اس پہ اک تازہ گھٹا چھائی ترےؐ آنے سے
Thi zameen tapte hue dasht ki soorat kab se
Is pe ek taza ghata chhai tereؐ aane se
آس اور یاس کے مابین ٹھنی تھی کب سے
ہو گئی یاس کی پسپائی ترےؐ آنے سے
Aas aur yaas ke mabeen thani thi kab se
Ho gayi yaas ki paspai tereؐ aane se
وضع داری سے نوازا ہے بنی آدم کو
دل میں تہذیب نے جا پائی ترےؐ آنے سے
Wazdari se nawaza hai bani adam ko
Dil mein tahzeeb ne ja pai tereؐ aane se
آدمی اپنی حقیقت سے شناسا جو ہوا
بندگی پا گئی آقائی ترےؐ آنے سے
Admi apni haqiqat se shanasa jo hua
Bandi ki paa gayi aqaai tereؐ aane se
تیرا طاہرؔ کہ سدا کیف کی جلوت میں رہا
خلوتِ جاں میں ہے جاں آئی ترےؐ آنے سے
Tera Tahirؔ keh sada kaif ki jalwat mein raha
Khalwat-e-jaan mein hai jaan aai tereؐ aane se
Share This Naat
Share with friends and family
ہو گئی دور ہے رسوائی ترےؐ آنے سے
پروفیسر محمد طاہر صدیقی