اگر وہ دیکھ لیں مجھ کو جو اک نظر بھر کے
بدل ہی جائیں مقدر مجھ ایسے کمتر کے
Agar wo dekh lein mujh ko jo ik nazar bhar ke
Badal hi jaayein muqaddar mujh aise kamtar ke
ہجوم نوری فرشتوں کا ہوگا نادیدہ
قدم اٹھاتا ہوں کوئے نبی میں ڈر ڈر کے
Hajoom noori farishton ka hoga nadeeda
Qadam uthata hoon koe nabi mein dar dar ke
نظر پھرے گی کسی اور سمت کیوں اس کی
ملا ہو آپ کا دیدار جس کو مر مر کے
Nazar phire gi kisi aur simt kyu is ki
Mila ho aap ka deedaar jis ko mar mar ke
اسی کے دم سے بہاریں ہیں صحنِ گلشن میں
چمن پہ لاکھ ہیں احسان اس گلِ تر کے
Isi ke dam se baharein hain sa'n-e-gulshan mein
Chaman pe laakh hain ehsaan is gul-e-tar ke
ترے دیار میں ہم تشنہ کام آئے ہیں
عطا ہوں جام ہمیں سلسبیل و کوثر کے
Tere diyar mein hum tashnah kam aaye hain
Ata hon jam humein salsabeel o kausar ke
نگاہ چوم رہی تھی سنہری جالی کو
قرار ملتا تھا آنکھوں کو یہ عمل کر کے
Nigaah choom rahi thi sunehri jali ko
Qarar milta tha aankhon ko ye amal kar ke
ملا ہے ان کی اجازت سے یہ حسیں منظر
درِ رسول سے پھر کیوں مری نظر سر کے
Mila hai in ki ijaazat se ye haseen manzar
Dar-e-Rasool se phir kyu meri nazar sar ke
Share This Naat
Share with friends and family
اگر وہ دیکھ لیں مجھ کو جو اک نظر بھر کے
اشفاق احمد غوری