وہیں نجوم و مہ و مہر کا گھِراؤ ہے
جہاں پہ ناقۂِ سرکار کا پڑاؤ ہے
Wahin nujum-o-mah-o-mehr ka ghirao hai
Jahan pe naqa-e-Sarkar ka padao hai
نہیں تغزُّلِ وجہِ ضِیاعِ وقت کا شوق
سوئے مُقَوِّمِ اوقات ہی جُھکاؤ ہے
Nahi taghzul-e-wajh-e-zia-e-waqt ka shauq
Soe muqawim-e-auqat hi jhukao hai
دیارِ بادِ سکوں خیز ہے خیالِ ثنا
سوائے اس کے دہکتا ہوا الاؤ ہے
Diyar-e-bad-e-sukoon khaiz hai khayal-e-sana
Sowae is ke dehta hua alao hai
درود کاشفِ ہر کَرب ہے بَہ نصِّ حدیث
ہے کیا بلا یہ بلا ؟ کون سا دباؤ ہے ؟
Darood kashif-e-har karb hai bah nass-e-hadith
Hai kya bala yeh bala? kon sa dabao hai?
لَبان و زلف و رخِ گُل کا فیض کیا پایا
چمن میں رنگ ہے ، مہکار ہے ،سبھاو ہے
Laban-o-zulf-o-rukh-e-gul ka faiz kya paya
Chaman mein rang hai, mehkar hai, subhao hai
سیاہی دُھل گئی عصیاں کی میرے نامے سے
بَہ فیضِ نعت عجب نور کا بہاؤ ہے
Siyahi dhul gayi asyan ki mere name se
Bah faiz-e-naat ajab noor ka bahao hai
سراہتے ہوئے رب کہہ رہا ہے " لِنتَ لَھُم "
کچھ ایسا خوئے مبارک میں رکھ رکھاؤ ہے
Sarahtay hue Rab keh raha hai "Linta Lahum"
Kuch aisa khoe mubarak mein rakh rakhao hai
ثنائے زلف کی تاروں سے رابطہ رکھیے !
ابھی کُھلے گا جو حالات کا تناؤ ہے
Sanaye zulf ki taron se rabita rakhiye!
Abhi khule ga jo halat ka tanao hai
سمجھیے ! رشتہ کٹا ہے حضورِ یزداں سے
اگر خیالِ درِ شاہ سے کٹاؤ ہے
Samjiye! Rishta kata hai huzoor-e-Yazdan se
Agar khayal-e-dar-e-shah se katao hai
شہِ ملیحِ دل آرا ! یہ زخم بھرجائے
بَہ ضربِ ہجر مِرے دل میں گہرا گھاؤ ہے
Shah-e-maleeh-e-dil ara! Ye zakhm bharjaye
Bah zarb-e-hijr mere dil mein gahra ghao hai
یہاں بھی ہم ہیں اسی سے حصارِ رحمت میں
بروزِ حشر بھی توصیف ہی بچاؤ ہے
Yahan bhi hum hain isi se hisar-e-rehmat mein
Baroz-e-hashr bhi toseef hi bachao hai
ہے جبکہ عرض معَظمؔ بہ پیشِ افصحِ خلق
تو فرض نعت میں الفاظ کا چُناؤ ہے
Hai jabke arz-e-mu’azzam ba pesh-e-afsah-e-khalq
To farz naat mein alfaz ka chunao hai
Share This Naat
Share with friends and family
وہیں نجوم و مہ و مہر کا گھِراؤ ہے
معظم سدا معظم مدنی