آنکھ جب سے ہے جمی خلدِ تمنّا کی طرف
پھر طبیعت نہ پھری عیشِ زمانہ کی طرف
Ankh jab se hai jami khuld-e-tamanna ki taraf
Phir tabiyat na phiri aish-e-zamana ki taraf
ہو کرم مجھ پہ زمانے کے شہنشاہ کرم
نگہِ لطف ہو آلام گزیدہ کی طرف
Ho karam mujh pe zamane ke shahanshah karam
Nigh-e-lutf ho aalam gajeeda ki taraf
میرے تخییل کو جبریلؑ کے پر بخشے گا
’’سطرِ مدحت کا سفر شہرِ مدینہ کی طرف ‘‘
Mere takhiyal ko Jibreel (A.S) ke par bakshe ga
"Satr-e-madhat ka safar shahr-e-Madina ki taraf"
کچھ تعجب نہیں ہر پل ہی اگر رکھتا ہے
دل کا بیمار کشش اپنے مسیحا کی طرف
Kuch taajjub nahi har pal hi agar rakhta hai
Dil ka bemar kashish apne maseeha ki taraf
دولتِ عشقِ نبیؐ جس کو میسّر آئے
دیکھتا کون ہے پھر لوٹ کے دنیا کی طرف
Daulat-e-ishq-e-Nabi (S.A.W) jis ko mayassar aaye
Dekhta kaun hai phir laut ke duniya ki taraf
فصلِ گل جاتی ہے کب چھوڑ کے اس کا دامن
جس کی پڑ جائے نظر گنبدِ خضریٰ کی طرف
Fasl-e-gul jati hai kab chhod ke is ka daman
Jis ki parr jaye nazar gunbad-e-khazra ki taraf
آدمیت کی نہایت کی خبر دیتا ہے
سفرِ خیرِ بشر عرشِ معلٰی کی طرف
Admiyaat ki nihayat ki khabar deta hai
Safar-e-khair-e-bashar arsh-e-moalla ki taraf
بادۂ حبِّ نبیؐ سے ہو جو سرشار سدا
آنکھ اٹھا کر بھی نہ دیکھے مے و مِینا کی طرف
Badah-e-hub-e-Nabi (S.A.W) se ho jo sarshar sada
Ankh utha kar bhi na dekhe mai-o-meena ki taraf
یاد آنے لگے ہجرت کا مناظر کیا کیا
آنکھ جب جب بھی اٹھی راہِ مدینہ کی طرف
Yaad aane lage hijrat ka manazir kya kya
Ankh jab jab bhi uthi rah-e-Madina ki taraf
Share This Naat
Share with friends and family
آنکھ جب سے ہے جمی خلدِ تمنّا کی طرف
پروفیسر محمد طاہر صدیقی