آمدِ سرکار پر ہے جا بجا آوازِ نعت
شادمانی ہے نرالی واہ وا آوازِ نعت
Aamad-e-sarkar par hai ja bajaa aawaaz-e-naat
Shaadmani hai niraali waah waah aawaaz-e-naat
خیر مقدم کے ترانوں کی جہاں میں گُونج ہے
اوج پر ہے مرحبا صد مرحبا آوازِ نعت
Khair maqdam ke taraanon ki jahaan mein goonj hai
Ouj par hai marhaba sad marhaba aawaaz-e-naat
انبیاء آتے تھے دینے کو مبارک بادیاں
آمنہ کے گھر میں تھی کیا دلرُبا آوازِ نعت
Anbiya aate the dene ko mubaarak baadiyaan
Aamina ke ghar mein thi kya dilruba aawaaz-e-naat
ذکرِ شاہِ انبیاء کی ہے جہاں میں دھوم دھام
روز افزوں ہے ترقی پر ثنا آوازِ نعت
Zikr-e-shaah-e-anbiya ki hai jahan mein dhoom dhaam
Roz afzoon hai taraqqi par sana aawaaz-e-naat
عاشقانِ مصطفیٰ سب شاد ہیں مسرور ہیں
قلبِ اعدا کے لیے ہے زلزلہ آوازِ نعت
Aashiqaan-e-Mustafa sab shaad hain masroor hain
Qalb-e-adaa ke liye hai zalzala aawaaz-e-naat
نعت کی محفل ہماری زندگی کا ہے سُرور
مست و بے خود سُن کے ہوتے ہیں گدا آوازِ نعت
Naat ki mehfil hamaari zindagi ka hai suroor
Mast o bekhud sun ke hote hain gada aawaaz-e-naat
عاشقوں کو اِک نرالی بے خودی وارِفتگی
دے رہی ہے قلبِ مُردہ کو جِلا آوازِ نعت
Aashiqon ko ik niraali bekhudi waaraftgi
De rahi hai qalb-e-murdah ko jila aawaaz-e-naat
راحت و تسکینِ جاں ہے ذکرِ محبوبِ خدا
سُن لے جو ہے رنج و غم میں مُبتلا آوازِ نعت
Raahat o taskeen-e-jaan hai zikr-e-mehboob-e-Khuda
Sun le jo hai ranj o gham mein mubtala aawaaz-e-naat
رِفعتیں اُس دن نبی کے ذکر کی ہوں گی عیاں
حشر میں گونجے گی جب زیرِ لِوا آوازِ نعت
Rif'atein us din Nabi ke zikr ki hongi ayaan
Hashr mein goonje gi jab zair-e-lawa aawaaz-e-naat
اے ثنا خوانوں تُمھیں مرزا یہ دیتا ہے دُعا
تُم سُناتے ہی رہو بس خُوشنُما آوازِ نعت
Ae sana khaanoun tumhein Mirza yeh deta hai duaa
Tum sunaate hi raho bas khush-numa aawaaz-e-naat
آخری لمحات جب ہوں زندگی کے دوستو
قادری مرزا کو تُم دینا سُنا آوازِ نعت
Aakhri lamhaat jab hon zindagi ke dosto
Qadri Mirza ko tum dena suna aawaaz-e-naat
Share This Naat
Share with friends and family
آمدِ سرکار پر ہے جا بجا آوازِ نعت
مرزا جاوید بیگ عطاری