پہنچے کہاں کہاں نہ حبیبِؐ خدا کے ہاتھ
کونین کا ہے نظم و عمل مصطفیٰؐ کے ہاتھ
Pohnchay kahan kahan na Habeeb-e-Khuda ke haath
Konain ka hai nazm o amal Mustafa ke haath
محروم رہ نہ ساقیِؐ کوثر کے فیض سے
پڑھ کر دُرود، جام اٹھا لے، بڑھا کے ہاتھ
Mehroom reh na Saqi-e-Kausar ke faiz se
Parh kar durood, jaam utha le, barha ke haath
ہر سانس وقف ہے شہِؐ لولاک کے لیے
میری طرف بڑھیں گے ادب سے فضا کے ہاتھ
Har saans waqf hai Sheh-e-Lolak ke liye
Meri taraf barhenge adab se fiza ke haath
آیا ہُوں جب سے ہو کے درِ مصطفیٰؐ سے میں
خاکِ قدم سمیٹ رہے ہیں ہَوا کے ہاتھ
Aaya hoon jab se ho ke dar-e-Mustafa se main
Khaak-e-qadam samet rahe hain hawa ke haath
ہو گی رسائی صدقہ خیرُ الانامؐ میں
پہنچیں گے عرش تک مِری ہر اک دُعا کے ہاتھ
Ho gi rasai sadqa khair al anam mein
Pohnchenge arsh tak meri har ek dua ke haath
میرے لیے مدینے سے لائی ہے یہ پیام
کیوں چُوم لُوں نہ وجد میں آکر صبا کے ہاتھ
Mere liye Madine se laayi hai ye payaam
Kyun choom loon na wajd mein aakar saba ke haath
دامن رسولؐ کا مِرے ہاتھوں میں آگیا
یہ ہاتھ شاہ کے ہیں، نہیں بے نوا کے ہاتھ
Daaman Rasool ka mere haathon mein aagaya
Ye haath Shaah ke hain, nahi be nawa ke haath
آسان اُن کے واسطے ہے راہ خدا کی
وہ جن کی رہنمائی ہے آلِؓ عبا کے ہاتھ
Aasan un ke wastay hai raah Khuda ki
Wo jin ki rehnumai hai Aal-e-Aba ke haath
سُلطانِؐ انبیا کی نگاہیں جو پڑ گئیں
شَل ہو کے رہ گئے ستمِ ناروا کے ہاتھ
Sultan-e-Ambiya ki nigahen jo par gayi
Shal ho ke reh gaye sitam-e-narawa ke haath
دیوانۂ حبیبؐ خدا، جو نصیرؔ ہو
باتیں کریں فرشتے بھی اُس سے مِلا کے ہاتھ
Deewaana-e-Habeeb Khuda, jo Naseer ho
Baatain karein farishtay bhi us se mila ke haath
Share This Naat
Share with friends and family
پہنچے کہاں کہاں نہ حبیبِؐ خدا کے ہاتھ
سید نصیرالدیں نصیر