ہر وقت اُڈیکاں لگیاں مینوں سوہنے دے دربار دیاں
ہنجواں دیاں وگدیاں ندیاں اکھیاں وچ ٹھاٹھاں مار دیاں
har waqt udekkan lagiyan mainu sohnay de darbar diyan
hanjwan diyan wagdiyan nadiyan akhiyan wich thathan maar diyan
کون میرے ایہہ درد مکاوے، کیویں چین اکھاں نوں آوے
کیویں چین آکھاں نوں آوے بھکھیاں نے دیدار دیاں
kaun meray eh dard makaway, kiwen chain akhan nu aaway
kiwen chain akhan nu aaway bhikhiyan ne deedaar diyan
ہجر ماہی دا جان جلا وے ، اک پل مینوں چین ناں آوے
اک پل مینوں چین ناں آوے تاہنگاں نے سرکار دیاں
hijr mahi da jaan jalaway, ik pal mainu chain na aaway
ik pal mainu chain na aaway tahngan ne sarkar diyan
یوسف ورگے ویچن جاناں ، سب دنیا توں اچیاں شاناں
سب دنیا توں اُچیاں شاناں طیبہ دے بازار دیاں
Yusuf wargay wechan jaana, sab duniya ton ucchiyan shanaan
sab duniya ton ucchiyan shanaan tayyba de bazar diyan
تڑپاں پھڑکاں بھر بھر ہاؤاں ، شام سویرے ویکھاں راہواں
شام سویرے دیکھاں راہواں عربی شاہ اسوار دیاں
tadappan pharkan bhar bhar haawan, shaam sawere wekhan rahwan
shaam sawere dekhan rahwan arabi shah aswar diyan
کد دیدار ہے اُس دا پوناں ، جس در اُتے جھکدیاں دھوناں
جس در اُتے جھکدیاں دھوناں سارے ای سنسار دیاں
kad deedaar hai us da poonan, jis dar utay jhukdiyan dhonan
jis dar utay jhukdiyan dhonan saaray ay sansar diyan
کد ویکھاں گا نوری تھاواں ، ہوسن کد منظور دُعاواں
ہوسن کد منظور دعاواں صائم او گنہار دیاں
kad wekhan ga noori thawan, hossan kad manzoor duawan
hossan kad manzoor duawan saim o gunahgar diyan
Share This Naat
Share with friends and family
ہر وقت اُڈیکاں لگیاں مینوں سوہنے دے دربار دیاں
علامہ صائم چشتی