ضرور نعت کی سرکار تک رسائی ہو
قلم میں عشقِ نبی کی جو روشنائی ہو
Zarur naat ki sarkar tak rasaii ho
Qalam mein ishq-e-Nabi ki jo roshnaii ho
کسی بھی اطلس و کمخواب سے نہیں ہے کم
درِ نبی پہ میسر اگر چٹائی ہو
Kisi bhi atlas o kamkhwab se nahi hai kam
Dar-e-Nabi pe mayassar agar chatai ho
پھر اس کو نارِ جہنم بھی کیا جلائے گی
وہ جس نے آتشِ عشقِ نبی لگائی ہو
Phir us ko nar-e-jahannum bhi kya jalae gi
Woh jis ne aatish-e-ishq-e-Nabi lagai ho
مِرے گناہوں کو دامن میں وہ چھپاتے ہیں
کبھی نہ چاہیں گے وہ میری جگ ہنسائی ہو
Mire gunahoon ko daman mein woh chhupate hain
Kabhi na chahein ge woh meri jag hansaii ho
غلام کی یہی رہتی ہے آرزو دل میں
کبھی تو خواب میں آقا کی رو نمائی ہو
Ghulam ki yahi rehti hai arzu dil mein
Kabhi to khwab mein aaqa ki roo namaii ho
خیالِ آیتِ ’’ لا ترفعوا ‘‘ سدا رکھنا
درِ رسول پہ جس وقت لب کشائی ہو
Khayaal-e-ayat-e ''La tarfaou'' sada rakhna
Dar-e-Rasool pe jis waqt lab kushaii ho
تمہارا نام بھی آیا ثنا گزاروں میں
شفیقؔ تم کو مبارک تمہیں بدھائی ہو
Tumhara naam bhi aaya sana guzaron mein
Shafiq tum ko mubarak tumhein budhaii ho
Share This Naat
Share with friends and family
ضرور نعت کی سرکار تک رسائی ہو
شفیق ؔ رائے پوری