خود اپنا قصیدہ ہے نامِ محمد
بشر کیا لکھے گا مقامِ محمد
Khud apna qaseeda hai naam-e-Muhammad
Bashar kya likhe ga maqam-e-Muhammad
بھلے سب خدا کے بُرے سب ہمارے
حدیثِ محمد، کلامِ محمد
Bhale sab Khuda ke bure sab hamare
Hadees-e-Muhammad, kalaam-e-Muhammad
شمیم معطّر ، نسیمِ معنبر،
ہُوا جس طرف بھی خرامِ محمد
Shameem muattar, naseem-e-muanbar,
Hua jis taraf bhi kharaam-e-Muhammad
شعائیں کرم کی گھٹا رحمتوں کی
وہ صبحِ محمد، یہ شامِ محمد
Shuaain karam ki ghata rehmaton ki
Woh subh-e-Muhammad, yeh shaam-e-Muhammad
ہر اک کاسہ لبریز ، ہر فاصلہ طے
ز دستِ محمد ، زِ گامِ محمد
Har ik kaasa labraiz, har faasla tay
Za dast-e-Muhammad, za gaam-e-Muhammad
خدا ساری امت کو کردے نمازی
طفیلِ رکوع و قیام ِ محمد
Khuda saari Ummat ko kar de namazi
Tufail-e-rukoo o qiyaam-e-Muhammad
یہ کعبہ ہے کیا تربیت گاہِ الفت
سکھاتا ہے جو احترامِ محمد
Yeh Kaaba hai kya tarbiat gaah-e-ulfat
Sikhata hai jo ehteram-e-Muhammad
بنایا محمد کو خالق نے ، آقا
بنی ساری خلقت غلامِ محمد
Banaya Muhammad ko Khaaliq ne, Aaqa
Bani saari Khalqaat ghulam-e-Muhammad
یدِ مصطفیٰ میں سناتے تھے کنکر
پیامِ محمد، سلامِ محمد
Yad-e-Mustafa mein sunaate the kankar
Payam-e-Muhammad, salam-e-Muhammad
نسیما! تیرے دن بھی کیسے پھرے جب
کھلے گیسوئے مشکِ فامِ محمد
Naseema! tere din bhi kaise phire jab
Khule gaisuwe mushk-e-fam-e-Muhammad
ادیبؔ اب کوئی خوف دل میں نہیں ہے
وہاں پر تو لکھا ہے نامِ محمد
Adeeb ab koi khauf dil mein nahi hai
Wahaan par to likha hai naam-e-Muhammad
Share This Naat
Share with friends and family
خود اپنا قصیدہ ہے نامِ محمد
حضرت ادیب رائے پوری