ہیں سامنے قرطاس و قلم کچھ نہیں لکھتے
بے رخصت سرکار امم کچھ نہیں لکھتے
Hain samne qartas o qalam kuch nahi likhte
Be rukhsat sarkar umam kuch nahi likhte
طیبہ کی ہوا مدحت سرکار کی قاصد
اُن کا نہ اشارہ ہو تو ہم کچھ نہیں لکھتے
Taybah ki hawa mad-hat sarkar ki qasid
Un ka na ishara ho to hum kuch nahi likhte
اک اسم محمد کے سوا لوح ابد پر
دیوار و در بام حرم کچھ نہیں لکھتے
Ek ism Muhammad ke siwa loh e abad par
Deewar o dar baam e haram kuch nahi likhte
ہر سانس عبارت ہے محمد کی ثنا سے
رودادِ شہاں قصہ جم کچھ نہیں لکھتے
Har sans ibaarat hai Muhammad ki sana se
Rudad e shahan qissa jam kuch nahi likhte
اُس شہر محبت کے صحیفوں پہ فرشتے
میرے لئے جُز حرف کرم کچھ نہیں لکھتے
Us sheher e mohabbat ke sahifon pe farishte
Mere liye juz harf e karam kuch nahi likhte
اک حرف ندامت سے مقدر کو سنوارا
اور اس کے سوا دیدہ نم کچھ نہیں لکھتے
Ek harf e nadamat se muqaddar ko sanwara
Aur is ke siwa deeda nam kuch nahi likhte
Share This Naat
Share with friends and family
ہیں سامنے قرطاس و قلم کچھ نہیں لکھتے
ابو الخیر کشفی