نورِ عرفاں نازشِ پیغمبری اُمّی نبیؐ
سر بسر دیوانِ علم و آگہی اُمّی نبیؐ
Noor-e-Irfan nazish-e-paighambari ummi Nabiؐ
Sar basar diwan-e-ilm o aagahi ummi Nabiؐ
علم کے سورج بھی محتاجِ ضیا ہیں آپ کے
عقلِ کل بھی ہے سوالی آپ کی اُمّی نبیؐ
Ilm ke sooraj bhi mohtaaj-e-zia hain aap ke
Aqal-e-kul bhi hai sawaali aap ki ummi Nabiؐ
آپ کے تلوئوں کا دھوون ہر بصیرت کا جمال
آپ ہی کے دم قدم سے روشنی اُمّی نبیؐ
Aap ke taluon ka dhuvwan har baseerat ka jamaal
Aap hi ke dam qadam se roshni ummi Nabiؐ
کھل گئے فکر و نظر میں سینہِ فطرت کے راز
مٹ گئی سارے جہاں سے تیرگی اُمّی نبیؐ
Khul gaye fikr o nazar mein seena-e-fitrat ke raaz
Mit gayi saare jahan se teeragi ummi Nabiؐ
انشراح و ارتقا کے سر پہ بھی رکھیں قدم
ان کو بھی تو چاہیے نا رہبری اُمّی نبیؐ
Inshiraah o irtiqa ke sar pe bhi rakhen kadam
In ko bhi to chahiye na rehberi ummi Nabiؐ
رفعتِ افکار پر ہر برتری کے تاج پر
ہے ترے منشور کی جلوہ گری اُمّی نبیؐ
Rif'at-e-afkaar par har bartari ke taaj par
Hai tere Manshoor ki jalva giri ummi Nabiؐ
ہے کسے ادراکِ عظمت کون ہمسر ہے یہاں
زیرِ پائے ناز ہر اِک سروری اُمّی نبیؐ
Hai kise idraak-e-azmat kaun hamsar hai yahan
Zer-e-paaye naaz har ik sarwari ummi Nabiؐ
بس یہی نعرہ لبِ دانشوری پہ ہے شکیلؔ
سیّدی و مرشدی اُمّی نبی اُمّی نبیؐ
Bas yehi naara lab-e-danishwari pe hai Shakeelؔ
Sayyadi o Murshidi ummi Nabi ummi Nabiؐ
Share This Naat
Share with friends and family
نورِ عرفاں نازشِ پیغمبری اُمّی نبیؐ
محمد شکیل نقشبندی