چار سو ہیں بارشیں اللہ کے انوار کی
آج ہے دنیا میں آمد احمدِ مختار کی
Chaar soo hain baarishe Allah ke anwaar ki
Aaj hai duniya mein aamad Ahmed-e-Mukhtar ki
نعمتیں اللہ کی گنتی سے باہر ہیں مگر
’’نعمتِ کبری ، ولادت ہے شہِ ابرار کی‘‘
Naimatein Allah ki ginti se baahar hain magar
"Nemat-e-Kubra, wiladat hai Sheh-e-Abrar ki"
رک گیا سدرہ پہ جا کر نوریوں کا بادشاہ
عرش اعظم تک رسائی ہے مرے سرکار کی
Ruk gaya Sidra pe ja kar nooriyon ka badshah
Arsh Aazam tak rasai hai mere Sarkar ki
اُن کو بھٹکائیں گی کیسے دہر کی تاریکیاں
روشنی جن کو میسر ہے ترے کردار کی
Un ko bhatkaengi kaise dehr ki tareekiyan
Roshni jin ko mayassar hai tere kirdar ki
جن کے سر پر آپ کی رحمت رہی سایہ فگن
کیوں بھلا وہ خوش مقدر اوٹ لیں اغیار کی
Jin ke sar par aap ki rehmat rahi saaya fagan
Kyun bhala woh khush maqdar ot lein aghyar ki
ان کا منزل تک پہنچنا ہی یقینی ہے جلیل
چل پڑے جو اقتدا میں قافلہ سالار کی
Un ka manzil tak pohanchna hi yaqeeni hai Jaleel
Chal pare jo iqtida mein qafila salar ki
Share This Naat
Share with friends and family
چار سو ہیں بارشیں اللہ کے انوار کی
حافظ عبدالجلیل