زد میں دنیا تھی جب برائی کی
آکے آقاؐ نے رہنمائی کی
Zid mein duniya thi jab bara'i ki
Aake aaqa ne rehnuma'i ki
اس نے اپنی ہی جگ ہنسائی کی
جس نے تضحیکِ مصطفائی کی
Is ne apni hi jag hansai ki
Jis ne tazheek-e-Mustafai ki
توڑ کر آپ نے طلسمِ بدی
راہ دکھلائی پارسائی کی
Tor kar aap ne tilism-e-badi
Raah dikhla'i parsai ki
چاند شق ہو گیا اشارے سے
سنگ ریزوں نے لب کشائی کی
Chaand shaq ho gaya ishaare se
Sang rezon ne lab kasha'i ki
ناخدا بن کے آپ نے آقاؐ
کشتیِ دیں کی ناخدائی کی
Nakhuda ban ke aap ne aaqa
Kashti-e-deen ki nakhudai ki
فرش سے عرش تک شبِ اسریٰ
دھوم ہے شانِ مصطفائی کی
Farsh se arsh tak shab-e-isra
Dhoom hai shan-e-Mustafai ki
بولے جبریل شہ سے سدرہ پر
بس ہے یہ حد مری رسائی کی
Bole Jibreel shah se sidra par
Bas hai ye had meri rasai ki
مل کے ہم نے غبارِ حُبِ نبیؐ
شیشۂ قلب کی صفائی کی
Mil ke hum ne ghubar-e-Hub-e-Nabi
Sheesha-e-qalb ki safai ki
لکھ کے احسؔن نے نعت بہرِ ثواب
آخرت کے لیے کمائی کی
Likh ke Ahsan ne naat beher-e-sawab
Aakhirat ke liye kamai ki
Share This Naat
Share with friends and family
زد میں دنیا تھی جب برائی کی
احسن اعظمی