معراج دی راتیں آقا نے جبریل نوں ایہہ فرمایا اے
توں ویکھیاں بڑیاں بڑیاں نوں کوئی میں جیہا نظریں آیا اے
Me'raaj di raat'an Aaqa ne Jibreel nu ehh farmaya ae
toon vekhiyaan vaddiyaan vaddiyaan nu koi main jehaa nazarein aaya ae
جبریل کیہا سبحان اللہ! ہے کون جو تیرے نال ملے
نہ تیرا کتے جواب ملے نہ تیری کوئی مثال ملے
Jibreel keha Subhaan Allah! hai kaun jo tere naal mile
na tera kitte jawaab mile na teri koi misaal mile
سدرہ تے ظہوریؔ آقا نے فر پچھیا ہن کیہہ کہنا ایں
توں اگے نال لے جانا سی ایتھے کیوں پچھے رہنا ایں
Sidrah te Zahoori aaqa ne fer puch'ya hun kehh kehna ein
toon agge naal le jaana si ethe kyon pichhe rehnaa ein
فرشاں توں لے کے عرشاں دا ساتھی آں، مونہوں کڈھیا ای
رستے وچہ آ کے سدرہ تے ہن ساتھ مرا کیوں چھڈیا ای
Farsha'n to le ke Arsha'n da saathi aan, moonho kadhia ae
rasti vich aake Sidrah te hun saath mera kyon chhaddia ae
جبریل کیہا محبوب خدا ترا رتبہ سب توں بالا اے
اوہ مالک خالق عرشاں تے تینوں آپ بلاون والا اے
Jibreel keha Mahboob Khuda tera rut'ba sab to baala ae
oh Maalik Khaaliq Arsha'n te tainu aap bilaavan vaala ae
ایتھوں اگے جیہڑی جوہ آئی اس جوہ دی توں ای سونہہ جانے
ایتھے آ کے مری حد مک گئی اگاں رب جانے یا توں جانے
Ethon agge jiehri joh aayi us joh di toon ee soonah jaan'e
Ethe aake meri hadd muk gayi agaan Rab jaane ya toon jaane
Share This Naat
Share with friends and family
معراج دی راتیں آقا نے جبریل نوں ایہہ فرمایا اے
محمد علی ظہوری