کس سے ممکن ہے صفت حضرت رَسُوْلُ اللہ کی
جب کہ خالق خود کرے مِدحت رَسُوْلُ اللہ کی
Kis se mumkin hai sifat Hazrat Rasool Allah ki
Jab ke kHaaliq khud kare midhat Rasool Allah ki
مَنْ رَّاٰنِیْ قَدْ رَاَ الْحَقّ کے جلوؤں پر نثار
ہے بلاشک دِید حق رُویت رَسُوْلُ اللہ کی
Man ra'ani qad ra'al Haq ke jalwon par nisaar
Hai balaa shakk deed Haq rueyat Rasool Allah ki
یوں تو ان کی عام رحمت سے کوئی خالی نہیں
مومنوں پر خاص ہے رحمت رَسُوْلُ اللہ کی
Yun to un ki aam reHmat se koi khaali nahi
Momonon par kHaas hai reHmat Rasool Allah ki
لے گئے تشریف جس کوچہ سے شاہِ مرسلاں
اس گلی میں بس گئی نکہت رَسُوْلُ اللہ کی
Le gaye tashreef jis koocha se shaah-e-marsalan
Us gali mein bas gayi nakhat Rasool Allah ki
راہ بھٹکیں کس لیے جویائے محبوبِ خدا
رہبر عشاق ہے نکہت رَسُوْلُ اللہ کی
Raah bHatkein kis liye jooya-e-mehboob-e-khuda
Rahbar e Ishaaq hai nakhat Rasool Allah ki
دامن اُمید بھر کر کیوں نہ لائیں نامراد
پھیرنا خالی نہیں عادت رَسُوْلُ اللہ کی
Daaman umeed bHar kar kyun na laaein naamuraad
Phairna khaali nahi adat Rasool Allah ki
جانور سنگ و شجر اِنس و مَلک عرش و فلک
جانتے ہیں جیسی ہے قدرت رَسُوْلُ اللہ کی
Jaanwar sung o shajar ins o malak arsh o falak
Jaante hain jesi hai qudrat Rasool Allah ki
اس کو لوٹایا تو ایک اِیما سے اس کے دو کیے
مہر و مہ سے پوچھیے طاقت رَسُوْلُ اللہ کی
Is ko loutaya to aik eyma se us ke do kiye
Mehr o mah se pooChiye taaqat Rasool Allah ki
واہ وا زورِ یداللہی کہ مشتِ خاک سے
چھا گئی کفار پر ہیبت رَسُوْلُ اللہ کی
Wah wah zor-e-yadullahi ke musht e khaak se
Chha gayi kuffar par haibat Rasool Allah ki
سب فرشتوں میں انہیں اس واسطے اَفضل کیا
کرتے تھے رُوح الامیں خدمت رَسُوْلُ اللہ کی
Sab firaashto mein unhein is waaste afzal kiya
Karte the Rooh-ul-ameen khidmat Rasool Allah ki
جمع ہوں گے روزِ محشر اَوَّلین و آخریں
اور دِکھائی جائے گی عزت رَسُوْلُ اللہ کی
Jama hon ge roz-e-mahshar awwaleen o aakhireen
Aur deekhaee jaaye gi izzat Rasool Allah ki
ہم بھکاری بھول جائیں گے مصائب حشر کے
دیکھ لیں گے جس گھڑی صورت رَسُوْلُ اللہ کی
Ham bhikaari bhool jaayein ge masa'ib e hashar ke
Deekha len ge jis ghari soorat Rasool Allah ki
اِک اکیلی جان خود معصوم فکر دوجہاں
مرحبا صد مرحبا ہمت رَسُوْلُ اللہ کی
Ik akeeli jaan khud masoom fikr dojehan
Marhaba sad marhaba himmat Rasool Allah ki
اَنبیا و اَولیا و اَوَّلین و آخرین
کون ہے جس کو نہیں حاجت رَسُوْلُ اللہ کی
Anbiya o auliya o awwaleen o aakhireen
Kaun hai jis ko nahi haajat Rasool Allah ki
اے زہے رحمت سیہ کارانِ اُمت کے لیے
ہوگئی آراستہ جنت رَسُوْلُ اللہ کی
Ae zahe-eh rahmat siyahkuraan e ummat ke liye
Ho gayi aaraastah jannat Rasool Allah ki
داوَرِ محشر بروزِ حشر یوں فرمائے گا
جائے پہلے خلد میں اُمت رَسُوْلُ اللہ کی
Daawar e mehshar baroze hashar yun furmae ga
Jaaye pehle khald mein ummat Rasool Allah ki
اَہلِ محشر کی نظر ان کی طرف کو کیوں نہ ہو
دیکھتا ہے خود خدا صورت رَسُوْلُ اللہ کی
Ahle mahshar ki nazar unki tarah ko kyun na ho
Deekhta hai khud khuda soorat Rasool Allah ki
اُس کو حاصل ہوگیا قربِ خدا کا مرتبہ
جس کے ہاتھ آئی یہاں صحبت رَسُوْلُ اللہ کی
Us ko haasil ho gaya qurb e khuda ka martaba
Jis ke haath aaee yahan sohbat Rasool Allah ki
ختم کردی جاں نثاری حضرتِ صدیق نے
جب کہ مکے سے ہوئی ہجرت رَسُوْلُ اللہ کی
Khatam kar di jaan nisaari Hazrat e Siddiq ne
Jab ke Makke se hui hijrat Rasool Allah ki
قرب دنیا میں تھا اس سرکار سے صدیق کا
بعد رِحلت بھی رہی قربت رَسُوْلُ اللہ کی
Qurb duniya mein tha us sarkar se Siddiq ka
Baad e reHlat bhi rahi qurbat Rasool Allah ki
اے غلامِ چار یار و باصفاؤ غوثِ پاک
ہے حمایت پر تری عترت رَسُوْلُ اللہ کی
Ae ghulam e chaar yaar o ba safa o Ghaus e Paak
Hai himayat par teri itrat Rasool Allah ki
راستہ پوچھو نجومِ مصطفیٰ سے گم رہو
اور سفینہ نوح کا عترت رَسُوْلُ اللہ کی
Raasta poocho nujoom e Mustafa se gum raho
Aur safeena Nauh ka itrat Rasool Allah ki
ہیں اسی حالت سے زندہ جس طرح دنیا میں تھے
ظاہری صورت سے تھی رحلت رَسُوْلُ اللہ کی
Hain isi haalat se zinda jis tarah dunya mein the
Zaahiri soorat se thi reHlat Rasool Allah ki
آرزوئیں دل کی کرتی ہیں دعا اللہ سے
ہم بھی دیکھیں گے کبھی تربت رَسُوْلُ اللہ کی
Aa'rooa'een dil ki karti hain dua Allah se
Hum bhi deekhen ge kabhi turbat Rasool Allah ki
آتے ہیں لاکھوں مَلک جس کی زِیارت کو انہیں
جانِ مومن کہئے یا تربت رَسُوْلُ اللہ کی
Aate hain laakhon malak jis ki zeearat ko unhein
Jaan e momin kehye ya turbat Rasool Allah ki
پیشِ منبر خارِجِ مسجد اَذانِ خطبہ ہو
ہے مسلمانو یہی سنت رَسُوْلُ اللہ کی
Pesh minbar khaarij e masjid azaan e khutba ho
Hai Musalmaano yahi sunnat Rasool Allah ki
دیکھ لو اے نجدیو وَقعت رَسُوْلُ اللہ کی
عرشِ اَعظم پر ہوئی دعوت رَسُوْلُ اللہ کی
Deekh lo ae najdi-o waqeat Rasool Allah ki
Arsh e a'azam par hui dawat Rasool Allah ki
ڈَھل گئے سانچے میں بوجہلِ لَعِیں کے جو قلوب
کیا نظر آئے اُنہیں قدرت رَسُوْلُ اللہ کی
Dhal gaye sanche mein Abu Jahl la'een ke jo quloob
Kya nazar aaye unhein qudrat Rasool Allah ki
دل کے اندھو نجدیو دنیا میں جو چاہو کہو
حشر کے دن دیکھنا عزت رَسُوْلُ اللہ کی
Dil ke andho najdi-o dunya mein jo chaho kaho
Hashr ke din deekhna izzat Rasool Allah ki
جھونک دے گی نار میں تنقیصِ شانِ مصطفیٰ
خلد میں لے جائے گی اُلفت رَسُوْلُ اللہ کی
Jhoonk de gi naar mein tanqees e shaan e Mustafa
Khald mein le jaaye gi ulfat Rasool Allah ki
علمِ مولیٰ سے بڑھایا علمِ شیطانِ لَعِیں
اس پہ دعویٰ یہ کہ ہوں اُمت رَسُوْلُ اللہ کی
Ilm e maula se barHaaya ilm e shaitan e la’een
Is pe dawaa ye ke hun ummat Rasool Allah ki
منکرِ علمِ نبی کے واسطے نارِ جحیم
اور غلاموں کے لیے جنت رَسُوْلُ اللہ کی
Munkir e ilm e nabi ke waaste naar e jaheem
Aur ghulamon ke liye jannat Rasool Allah ki
کردیا تیرا لقب مرشد نے مَدَّاحُ الحبیب
کر جمیلؔ قادری مِدحت رَسُوْلُ اللہ کی
Kar diya tera laqab murshid ne maddah-ul-habeeb
Kar Jamil Qadri midhat Rasool Allah ki
Share This Naat
Share with friends and family
کس سے ممکن ہے صفت حضرت رَسُوْلُ اللہ کی
جمیل الرحمن قادری