ملتا ہے بہت وافر خالق کے خزانے سے
یوں کاسہ بکف شاہ کے دربار میں جانے سے
Milta hai bohat wafer Khaaliq ke khazane se
Yoon kaasa bakaf Shah ke darbaar mein jane se
دن رات فرشتوں کا رہتا ہے جہاں تانتا
ملتی ہے جِلا دل کو انوار میں جانے سے
Din raat farishto ka rehta hai jahan tanta
Milti hai jila dil ko anwar mein jane se
اللہ نے بتلایا ' لَولَاکَ لَمَا ' کہہ کر
آباد ہوئی دُنیا بس آپ کے آنے سے
Allah ne batlaaya 'lolaaka lamaa' keh kar
Aabaad hui duniya bas aapke aane se
اللہ کی رحمت کی ہوتی ہے بہت باراں
سرکارِ دو عالَم کی اِک بزم سجانے سے
Allah ki rehmat ki hoti hai bohat baraan
Sarkar-e-do aalam ki ik bazm sajane se
جب پیش کروں نعتیں میں قبر میں آقا کو
اے کاش ! وہ مُسکا دیں بس نعت سُنانے سے
Jab paish karoon naatein mein qabr mein Aaqa ko
Ae kaash! Wo muska dein bas naat sunane se
یہ عُمرِ رواں اپنی طیبہ میں گُزر جائے
تکتے ہوئے بیتی ہے یہ خواب سُہانے سے
Yeh umr-e-rawaan apni tayyaba mein guzar jaaye
Takte hue beeti hai yeh khwab suhaane se
عُشّاق کے سینوں میں پڑتی ہے عجب ٹھنڈک
خود جا کے اُنہیں دل کے احوال سُنانے سے
Ushaaq ke seenon mein padti hai ajab thandak
Khud ja ke unhein dil ke ahwal sunane se
خوش بخت ہیں وہ جن کا رشتہ ہے مودّت کا
سرکارِ دو عالَم کے اُس پاک گھرانے سے
Khush bakht hain wo jin ka rishta hai modat ka
Sarkar-e-do aalam ke us paak gharane se
کرتا ہوں جلیل اُن کی دن رات ثنا خوانی
بس ڈھونڈتا پھرتا ہوں بخشش کے بہانے سے
Karta hoon Jaleel unki din raat sana khwani
Bas doondta phirta hoon bakhshish ke bahaane se
Share This Naat
Share with friends and family
ملتا ہے بہت وافر خالق کے خزانے سے
حافظ عبدالجلیل