ہم سے عاصی مدینے بُلائے گئے
یعنی روتے ہوئے پھر ہنسائے گئے
Hum se aasi madine bulae gaye
Yani rote hue phir hansaaye gaye
جا کھڑے تھے مواجہ کے جب سامنے
خوب جی بھر کے آنسو بہائے گئے
Ja khare the muwajah ke jab samne
Khoob jee bhar ke aansu bahae gaye
دِل کی تختی پہ وہ مُرتسم ہو گئے
جو مناظر وہاں پر دِکھائے گئے
Dil ki takhti pe woh murtasim ho gaye
Jo manazir wahan par dikhaye gaye
نام اُن کے جہاں میں امر ہو گئے
دار پر اُنْ کی خاطر جو لائے گئے
Naam un ke jahan mein amar ho gaye
Daar par un ki khatir jo laye gaye
اُن کی چشمِ کرم ہے کہ گرداب سے
خوش مُقدّر کنارے لگائے گئے
Un ki chashm-e-karam hai ke gardab se
Khush muqaddar kinare lagaye gaye
روزِ محشر کا منظر بھیانک بہت
سو شِفاعت کے مُژدے سُنائے گئے
Roz-e-mahshar ka manzar bhayanak bohot
So shifaat ke mujday sunae gaye
جن میں حلقے درودوں کے ہوتے رہے
بام و در اُن گھروں کے سجائے گئے
Jin mein halqe daroodon ke hote rahe
Bam-o-dar un gharon ke sajae gaye
گو کہ طائف میں پتھر برستے رہے
ہاتھ پھر بھی دُعا کو اُٹھائے گئے
Go ke Taif mein patthar baraste rahe
Hath phir bhi dua ko uthae gaye
سو جلیل اپنی برزخ بھی آساں ہوئی
اُنکے جلوے لحد میں کرائے گئے
So Jaleel apni barzakh bhi asaan hui
Unke jalwe lahd mein karaye gaye
Share This Naat
Share with friends and family
ہم سے عاصی مدینے بُلائے گئے
حافظ عبدالجلیل