تجھ بن تڑپ رہے ہیں دونوں جہان والے
اے زینتِ مدینہ اے آن بان والے
Tujh bin tarap rahe hain dono jahan wale
Ae zeenat-e-Madina ae aan baan wale
تیری نوازشوں سے پُر نور ہو رہے ہیں
یہ ماہ و مہر و انجم یہ آسمان والے
Teri nawazishon se pur noor ho rahe hain
Yeh mah o mehr o anjum yeh aasman wale
تیرے بغیر کچھ بھی ان کی نہیں حقیقت
تیرے نشاں کے صدقے میں ہیں نشان والے
Tere bagair kuch bhi in ki nahi haqeeqat
Tere nishan ke sadqe mein hain nishan wale
تو صاحبِ حقیقت تو مرکزِ عقیدت
پڑھتے ہیں تیرا کلمہ دونوں جہان والے
Tu sahib-e-haqeeqat tu markaz-e-aqeedat
Parhte hain tera kalma dono jahan wale
تیرے ہی آستاں پر سر کو جُھکا رہے ہیں
دل والے آنکھ والے سر والے جان والے
Tere hi aastan par sar ko jhuka rahe hain
Dil wale aankh wale sar wale jaan wale
ظاہر کیا تجھی نے کعبہ کی عظمتوں کو
کعبہ ہے تیرے دم سے کعبہ کی شان والے
Zahir kiya tujhi ne Kaaba ki azmaton ko
Kaaba hai tere dam se Kaaba ki shaan wale
بہزؔاد میری آنکھیں روتی ہیں اشکِ حسرت
جاتے ہیں جب مدینے ہندوستان والے
Behzad meri aankhain roti hain ashk-e-hasrat
Jate hain jab Madine Hindustan wale
Share This Naat
Share with friends and family
تجھ بن تڑپ رہے ہیں دونوں جہان والے
بہزاد لکھنوی