نہیں کونَین میں کوئی سہارا یا رسولَؐ اللہ
تمہارے ہی کرم پر ہے گزارا یا رسولَؐ اللہ
Nahi konain mein koi sahara ya Rasool'ؐ Allah
Tumhare hi karam par hai guzara ya Rasool'ؐ Allah
یہی ایمان ہے سب کا ، ہمارا یا رسولَؐ اللہ
نہیں تم سے زیادہ کوئی پیارا یا رسولَؐ اللہ
Yehi imaan hai sab ka, hamara ya Rasool'ؐ Allah
Nahi tum se zyada koi piara ya Rasool'ؐ Allah
تمہاری ناخدائی کا جو مُنکر ہو، وہ کافر ہے
لگا دو پار تم بیڑا ہمارا یا رسولَؐ اللہ
Tumhari nakhudaai ka jo munkir ho, wo kafir hai
Laga do paar tum beRra hamara ya Rasool'ؐ Allah
گھِرا ہُوں وَرطۂ دریائے غم میں ایک مدّت سے
نہیں ملتا سفینے کو کنارا یا رسولَؐ اللہ
Ghera hoon wartah-e darya-e gham mein ek muddat se
Nahi milta safine ko kinara ya Rasool'ؐ Allah
بُلا لو اپنے دیوانے کو جب چاہو مدینے میں
بہت ہے بس تمہارا اک اشارا یا رسولَؐ اللہ
Bula lo apne deewane ko jab chaho Madine mein
Bohat hai bas tumhara ek ishara ya Rasool'ؐ Allah
پھُنکا جاتا ہُوں سوزِ غم سے بس اب مہربانی ہو
نہیں ہے اب غمِ دُوری گوارا یا رسولَؐ اللہ
Phunka jata hoon soz-e gham se bas ab meherbaani ho
Nahi hai ab gham-e doori gawara ya Rasool'ؐ Allah
مِرے آقا! اِدھر بھی اک نگاہِ لُطف ہوجائے
چمک اُٹّھے مِری قسمت کا تارا یا رسولَؐ اللہ
Mire aaqa! idhar bhi ek nigah-e lutf ho jaaye
Chamak ut'the miri qismat ka tara ya Rasool'ؐ Allah
تمہاری ہی عنایت ہے عنایت دونوں عالَم میں
تمہارا ہی سہارا ہے سہارا یا رسولَؐ اللہ
Tumhari hi inayat hai inayat dono aalam mein
Tumhara hi sahara hai sahara ya Rasool'ؐ Allah
بچالو اِس کے فتنوں سے، نکالو اِس کے چکر سے
مجھے اِس گردشِ دوراں نے مارا یا رسولَؐ اللہ
Bachalo is ke fitno se, nikalo is ke chakkar se
Mujhe is gardish-e doran ne maara ya Rasool'ؐ Allah
جو مخفی ہے مِرے دل میں، مقدر میں، مَشِیّت میں
وہ سب کچھ آپ پر ہے آشکارا یا رسولَؐ اللہ
Jo makhfi hai mire dil mein, muqaddar mein, mashiyat mein
Wo sab kuch aap par hai aashkara ya Rasool'ؐ Allah
سمیٹے گا خزانے دین و دنیا کے وہی ، جس نے
تمہارے سامنے دامن پسارا یا رسولَؐ اللہ
Sametega khazane deen o duniya ke wohi, jis ne
Tumhare samne daaman p'asaara ya Rasool'ؐ Allah
نصیرؔ غمزدہ پر بھی عنایت ہو، نوازش ہو
دُہائی دے رہا ہے غم کا مارایا رسولَؐ اللہ
Naseerؔ ghamzada par bhi inayat ho, nawazish ho
Duhai de raha hai gham ka maara ya Rasool'ؐ Allah
Share This Naat
Share with friends and family
نہیں کونَین میں کوئی سہارا یا رسولَؐ اللہ
سید نصیرالدیں نصیر