نورِ امکا ں کا خزانہ درِ والا ان کا
وسعتِ کون ومکاں میں ہے اجالا ان کا
Noor-e-imkan ka khazana dar-e-wala an ka
Wus-at-e-kon o makan mein hai ujala an ka
دردِ انساں سے مہکتا ہوا شیریں لہجہ
کیسا اندازِ ہدایت تھا نرالہ ان کا
Dard-e-insaan se mehakta hua sheereen lehja
Kaisa andaaz-e-hidayat tha nirala an ka
ہر زمانے کے لیے اسوہ و معیار بنا
خُلق اس درجہ ہوا ارفع و اعلا ان کا
Har zamane ke liye uswa o meyar bana
Khulq us darja hua arfa o aala an ka
ٹھہرا مشعل وہ بہاراں کی زمانے کے لیے
ریگِ صحرا میں کھلا جب گلِ لالہ ان کا
Thehra mashal wo baharan ki zamane ke liye
Reyg-e-sehra mein khila jab gul-e-lala an ka
جابجا ان کا ادب حق نے سکھایا ہم کو
ذکر خود اس نے کیا خَلق میں بالا ان کا
Jabaja an ka adab haq ne sikhaya hum ko
Zikr khud us ne kiya khalq mein bala an ka
جیسے دنیا میں ہے عزت مری اس نام کے ساتھ
کاش محشر میں بھی کام آئے حوالہ ان کا
Jaise duniya mein hai izzat meri is naam ke sath
Kash mahshar mein bhi kaam aaye hawala an ka
رنجِ تنہائی جو بڑھ جائے حدوں سے تائب
دے تسلی مجھے خود ربّ تعالیٰ ان کا
Ranj-e-tanhai jo barh jaye hadon se Taaib
De tasalli mujhe khud Rabb-e-taala an ka
Share This Naat
Share with friends and family
نورِ امکا ں کا خزانہ درِ والا ان کا
حفیظ تائب