دیر جتنی اشکِ خوں سے آنکھ تر ہونے میں ہے
اس سے کم طیبہ کی سمت اذنِ سفر ہونے میں ہے
Der jitni ashk-e-khoon se aankh tar hone mein hai
Is se kam Taiba ki simt izn-e-safar hone mein hai
کر لیا ہے جب درودی رتجگے کا اہتمام
دیر پھر کیسی شبِ غم کی سَحر ہونے میں ہے
Kar liya hai jab darodi ratjage ka ehtemam
Der phir kaisi shab-e-gham ki sehar hone mein hai
دھیان رہتا ہے تو صبح و شام رحمت کی طرف
لذت وراحت عجب بے بال و پر ہونے میں ہے
Dhyan rehta hai to subah o sham rehmat ki taraf
Lazzat o raahat ajab be baal o par hone mein hai
تپتےصحرا میں ہو میری جاں کو حاصل کس طرح
نم جو درکار اس شجر کے بارور ہونے میں ہے
Tapte sahra mein ho meri jaan ko haasil kis tarah
Nam jo darkar is shajar ke barwar hone mein hai
جانے کیا احوالِ امّت کے بدلنے میں ہے دیر
جانے کیا حائل دعا کے پُر اثر ہونے میں ہے
Jane kya ahwal-e-ummat ke badalne mein hai der
Jane kya haail dua ke pur asar hone mein hai
کب بہار آئے گی تائبؔ آرزو کے دشت میں
کیا خبر کیا دیر رحمت کی نظر ہونے میں ہے
Kab bahar aaye gi Taib arzoo ke dasht mein
Kya khabar kya der rehmat ki nazar hone mein hai
Share This Naat
Share with friends and family
دیر جتنی اشکِ خوں سے آنکھ تر ہونے میں ہے
حفیظ تائب