شہرِ سرکار میں جینے کی دعائیں مانگوں
اب تو ہر وقت مدینے کی دعائیں مانگوں
Sheher-e-sarkar mein jeene ki duaen mangoon
Ab to har waqt madine ki duaen mangoon
اے شہِ والا ہوا ہجر میں جینا مشکل
وصل کے جام کو پینے کی دعائیں مانگوں
Ae shah-e-wala hua hijr mein jeena mushkil
Wasl ke jaam ko peene ki duaen mangoon
کاش مل جائیں ثنا کے لئے الفاظ حسیں
ایسے انمول خزینے کی دعائیں مانگوں
Kaash mil jayein sana ke liye alfaaz haseen
Aise anmol khazeene ki duaen mangoon
پیش کرتی رہوں آقا کو شب و روز درود
ایسے بے مثل قرینے کی دعائیں مانگوں
Paish karti rahoon aaqa ko shab o roz durood
Aise be misal qareene ki duaen mangoon
میرے ہر گوشۂ دل کو جو معطر کر دے
ان کے پاکیزہ پسینے کی دعائیں مانگوں
Mere har goshah-e-dil ko jo muattar kar de
Un ke pakeeza paseene ki duaen mangoon
میں بھی کچھ روز مدینے کی فضاؤں میں رہوں
ایسے دن اور مہینے کی دعائیں مانگوں
Main bhi kuch roz madine ki fizaon mein rahoon
Aise din aur maheene ki duaen mangoon
جَڑ دیا جائے جو اے ناز مرے سینےمیں
نامِ احمد کے نگینے کی دعائیں مانگوں
Jad diya jaye jo ae naz mere seene mein
Naam-e-ahmed ke nageene ki duaen mangoon
Share This Naat
Share with friends and family
شہرِ سرکار میں جینے کی دعائیں مانگوں
صفیہ ناز